В "Житии преподобного Евфросина Псковского", составленном не позднее 1510 г., содержится предание о сугубой аллилуии, что впоследствии явилось немаловажным аргументом в полемике ревнителей древлего благочестия с новообрядцами. Еще в первой четверти XV в., в Псковской области возник спор о том, как петь аллилуия – по-дважды ("сугубая аллилуия") или по-трижды ("трегубая аллилуия"). Отвечая псковскому духовенству, митрополит Фотий в 1419 г. высказался за трегубую аллилуйю. Однако это вызвало справедливые сомнения, и через тридцать лет данный вопрос вновь был поднят преподобным Евфросином. Чтобы разрешить свои сомнения, преподобный отправился в далекое странствие в Константинополь. Здесь Евфросин слышал сугубую аллилуию, от патриарха Константинопольского Иосифа также получил наставление сугубить и по возвращении в свой монастырь стал петь аллилуия по-дважды. Против него восстал некий распоп Иов, живший в Пскове, и написал обличительную на Евфросина "епистолию". Однако впоследствии справедливость восторжествовала: определением Стоглавого собора 1551 г. постановлено было сугубить аллилуию, а трегубая аллилуия признана латинскою ересью, четверением Святой Троицы.
Нужно подчеркнуть, что предание о сугубой аллилуии не было позднейшей выдумкой агиографа, как пытались впоследствии представить дело никонианские реформаторы, но было несомненным церковным преданием. Оно нашло отражение в богослужебных текстах, в службе прп. Евфросину Псковскому, то есть отражало соборное мнение всей Русской Церкви до раскола. С началом никоновских реформ господствующая церковь подвергла сомнению житие святого. Вместо сугубой аллилуии была введена осужденная Стоглавом трегубая. Впоследствии ссылки ревнителей древлего благочестия на авторитет прп. Евфросина привели к тому, что патриарх Иоаким, будучи не в состоянии аргументировано возражать, просто исключил имя прп. Евфросина Псковского, прославленного Собором 1549 г., из Устава 1682 г.
Из службы преподобному Евфросину Псковскому
Месяца маия в 15 день преставление преподобнаго отца нашего Евфросина Псковскаго чюдотворца. Вечер
На стиховне стихеры
Слава. Глас, 4. Самогласен
Егда убо Богу поспешествующу, преподобне Евфросине, духовным желанием распалашеся, о Божественней тайне пресвятыя аллилуии, царствующаго града достигл еси, и от святейшаго патриарха, честно приемлемь бываеши, и благословения сподобляешися, и писание приемлеши от него о пречистей аллилуии. Тогда и сам зриши умныма очима в соборней церкви, дважды глаголема пресвятая аллилуия. И оттуду паки ко своей обители посылаемь бываеши, мир и благословение братии с собою нося. Темже и обитель твоя, с любовию яко отца восприемлет тебе. В ней же ты многа лета подвизася, в посте и воздержании, и трудех еже к Богу. И писание братии предав, и мир и благословение, ко Господу отходиши. Того моли спастися нам, иже любовию поющим тя.
Канон. Творение Василиево. Глас 1
Из песни 4
Якоже другии Илия отче Евфросине явися, распалаемь ревностию. Он бо царя обличи беззаконие творяща, и безстудныя пророки закла. Ты же молитвою своею, о неведомей тайне Божии, аллилуии, столпа Философа, мнением превозносящагося посрамил еси. И того Божию суду предал еси.
Из песни 6
Иоанна Златоустаго ревности последуя, преподобне отче Евфросине. Он бо винограда ради от царицы заточен бысть. Ты же от столпа Философа многа претерпе уничижения, и досаждения от неразумных человек, о пречистей аллилуии. И того Божиею благодатию посрамил еси.
Икос
Евангельскии глас услышав отче, вся оставил еси плотьская мудрования. Богатьствоже и славу, яко прах нивочто же вменив. И настрасти яко безплотен подвизая. И безплотным ликостоянием чистоте уподобися, разума дарование от Господа приял еси. Темже и аз недостойныи и грешныи, надеюся прияти молитвами твоими преподобне, милость в день судныи, и о содеянных мною зол прощение получити. Но ты подаждь ми слово святе, воспети житие твое преблаженне. Радуися Евфросине преподобне и Богоносе, небесныи человече, земныи ангеле. Радуися яко кроме мира суетнаго пустыню сотворил еси, и обитель вней составив, и храм пречестен трем святителем воздвигл еси, и внем тобою Бог славится. Радуися яко измлада Богу послужил еси. И множество инок собрав, отних же слышиши сицевая тебе глаголющих. Радуися спасению нашему ходатай, иже добре пасыи стадо свое от навет вражиих. Радуися посрамивыи столпа Философа, молитвами своими, о Божественней песни аллилуии. И того Божию суду предал еси. Радуися посрамивыи бесом полки. Радуися иночествующим пресветлыи светилниче, и столп терпения. Радуися отечеству своему граду Пскову похвала и утвержение. Радуися всем скорбящим милость и благоутробие отверзл еси, и нищим заступниче и кормителю, и унывающим утешение. Радуися приходящим с верою к раце твоей от навет вражиих избавителю. И помыслы злыя отних отгоняеши, и скорбящым сладкое утешение. Радуися радости Божественыя подателю, и чюдес источниче к тебе притекающым. Радуися предстателю наш отче Евфросине, иночествующим удобрение.
Из песни 7
По Божественем ти преставлении отче Евфросине, списателю пишущу твое житие и чюдеса, еже ты сотвори о Христе, и в недоумении ему бывшу, о Божественей аллилуии. Вы же отцы Богоноснии, с Пречистою Богородицею, и со Архангелом в видении явистеся. И повелевающе безсумнения писати Христову тайну, вопиюще, благословен Бог отец наших.
На хвалитех стихеры
Слава. Глас, 6
Божественою любовию распалаемь, преподобне Евфросине, отечество свое оставив, и волное страньство Господа ради приял еси. Труды и долгаго пути шествия, жажду и глад, студеньже и зной Христа ради претерпел еси, и царствующаго града достигл еси. И от святейшаго патриарха честно приемлемь бываеши, и тамо уведев тайну Божественыя аллилуии. И оттоле Богом наставляемь, во свое отечество возвратился еси. И в посте и слезах препроводил еси дни своя, дондеже и страсти телесныя умертвил еси. Темже сподобился еси праведных радования. С ними же молися, спастися душям нашим.
О пременении Божественной песни аллилуия;
от жития преподобнаго Евфросина Псковскаго,
речения словеса Пресвятыя Богородицы,
к списателю жития преподобнаго Евфросина
Нужду Ми творя християне неведением своим трояще Божественную тайну сию; юже Аз Богородица тебе повелеваю дважды да глаголется, тая правоверными Божественная аллилуия; понеже то есть тайна Воскресения Христова; ниже: а идеже бо троится Божественная аллилуия; то есть прилагается чюждии бог языческии; понеже мнози суть бози еллинстии; ниже: и аще не сия тайна Божественнаго аллилуия; яко не воскресе Христос во страдании Своем; и не воскресе Бог; то пророцы ложно пророчествоваша, и Дух Святыи солга, и Бог не воплотися в Мя, и Христос прост человек распятся и умре и не воскресе; ни Аз Дева Богородица, и апостоли вотще трудишася, и мученики и мученицы, горкая и лютая пострадаша в безумии; дела и вера християнскаго сияния света потемне и мертва суть; и новая благодать истиннаго закона иже бысть неложна, Исус Христом Богом Вседержителем, ложна есть; ниже: но аллилуия истинное есть тайны откровение, воскресе Сын Мой и Бог Мой плотию Бог и человек; и Аз того ради хвалима присно и блажима есть; яко ей Святая Богородица Дево, и ревнивыи раб Исус Христа, и Мене Матере Его Евфросин познавается, егоже бо ради ходатайства открых сокровенная; а идеже троится Божественная аллилуия с приглашением слава Тебе Боже; ту четвертое лице Святыя Троицы прилагается.
Подготовил К. К.
По материалам источников: "Староверы в Рыбацком"
