Иван Васильев, или Венедикт, Чугуевский монах: Извещение разглагольствия, бывшаго у поморян с поповщиною, в прошедшем 1768 году

От страны поповлян говорил старец Трифилий, а от поморян простец Тарасий.

Вопросил прежде старец Трифилий поморянина: Скажи друг Тарасий, почему вы именуете себя христианами.

На сие ответствовал ему Тарасий тако: От имене Христова, и от благодати евангельския святым крещением с верою запечатленныя.

Трифилий: Можешь ли ты о сем уверить нас от святаго писания.

Тарасий: Всячески могу.

Трифилий: Покажи о том пожалуй где написано есть.

Тарасий: Святый Ефрем Сирин в 50-м слове. о сем сице глаголет. Поразумеем. яко имя наше согласно есть имяни Его, [сиречь Христову] понеже убо той Христос наричется сам, мы же христиане. Там же на поле против сих строк напечатано: по Христе христиане. А что же истиее, христианин познавается от веры и благодати евангельския Божественным крещением знаменанныя. О том написано есть в старопечатном Катихисисе, во главе 1, сице: Христианин есть, иже от Бога святым крещением порожденный, и по благодати Его банею паки бытия, сын Божий нарицается. благочестивно и боголюбезно пребываяй и право в православии веруя и твердо стояй. не ища себе инаго закона, и превратнаго сомнения, храня себе непоколебимо во христианском законе, и своими благими делы показуя свое благоверие. дозде от Катихисиса.

По окончании сего, соответствуя ему, Трифилий старец сказал тако: Можно сему поверить, да и мы убо согласно с вами разумеем и веруем: однако ваше состояние для спасения душевнаго весма ненадежно.

Тарасий: Чесо ради.

Трифилий: Того ради: что не имеете вы христопреданного священства, без него же спастися невозможно.

Тарасий: Желаю от вас слышать, и научится, что такое есть христопреданное священство, и от коего времене оно свое начало имеет, и в коликих состоит чинех.

Трифилий: Христопреданное священство есть тое, еже учреждено бысть самем Спасителем нашим Исусом Христом на тайней вечери. Тут ево было начало, идеже Христос апостолы своя сотворил есть священниками, при вознесении же своем на небеса воздвиг руце свои благослови их. Кое благословение, по сказанию восточнаго учителя Стефана Зизания, было апостолом хиротониею, или руковозложением. А святый Дионисий Ареопагит, во второй книге О священноначалии, пишет, яко в пятидесятый день, по воскресении Христове, егда Дух Святый снизшед на святыя апостолы во огненных языцех, и седе на едином коегождо их, тогда совершено хиротонисав, удостой тех быти священнослужителями тайнам новаго завета. О чем и в Синоксаре церковнем такожде глаголется: не на уста бо седе апостолов Дух Святый, но на главы их владычное объимая, и большую часть тела и самого того ума от него же и язык глаголание имать, или понеже делом неким глас языком дух испущает, яко же рукоположити апостолы чрез на главы учители быти, всей поднебесней. рукоположение бо еже есть хиротония на главах творится. дозде Синоксарь. Видите ли какое было производство первосвященников Христовых, оттоле апостоли начаша благовестити царствие Божие, и крестити по завещанию Господню, верующия вонь во имя Отца и Сына и Святаго Духа, и свящать епископов на все церкви, и посылать их на проповедь, а епископи священников и дияконов. От чего и последователно разумевать, что христопреданное священство состоит в трех чинех. Первый, или начальный от сих чинов есть епископ, иначе именуется чин просветительный и совершительный. От него же всяк дар и просвещение на нижняя степени посылается. И той есть основанием, началом, и источником благочестия, и Христа самого изобразует и носит. Тем же всяк чин, и вся тайны и все совершенство чрез него бывает. Вторый чин есть священнический, иначе глаголется, чин служебный, сей от епископа приемлет власть и силу крестить, литургисать, кающихся Богови примирять. и прочая. Третий чин диаконский, так же как и священник чин служебный, его должность приходящих ко крещению оглашать учением веры, и спомоществовать во всем священническому правлению. Сице бо древний, и святии учители умствуют. А именно: Дионисий Ареопагит во второй книге о священноначалии. Симеон Селунский в толковании о чинах церковных. глава 76, 77, 157, и 187: и в прочих. И Феофилакт Болгарский в сказании на зачало 95, от Луки евангелиста.

Тарасий все сие выслушав, и видя чистосердечие, и простоту нрава в Трифилии, мало восклонившись, сказал ему: Благодарствую отец Трифилий, что ты безпристрастно и основателно объяснил нам о начале, и происхождении христопреданного священства: за сим следует тебе показать нам о ветковском священничестве, в таком же ли оно состоит виде и достоинстве, в каковом описал ты нам богопреданное священство. Мы видели во изображенном тобою богопреданном священничестве всекрасное число троичнаго изображения. Первое лице носит образ самого Христа, его же и обогащается силою рукоположение, или производство его бывает божественное: ибо тайну руковозложения архиерейскаго, священнодействует или печатлеет сам Божественный Параклит, свыше сходяй невидимо на главу приемлющаго хиротонию, и творя его достойна на богослужебныя тайнодействия, в чем непрекословне и ваши мысли нам соответствуют. То извольте же вы теперь сказать, имеются ли в состоянии вашем три оныя священнословимыя чины, подобныя богоуставленному иерейству. И кто у вас священнодействует тайну хиротонии. и есть ли ныне у вас православный епископ, или нет.

Трифилий: Православнаго епископа мы уже лет сто, и далее не имеем, и таинство рукоположения в нашей ветковской церкви совершить некому, и за настоящую нужду отправляют потребы церковныя приходящии к нам от нынешней великороссийской церкви попы и диаконы, и сим мы священничеством по нужде довольствуемся.

Тарасий: Отселе признайся же ты, отец Трифилий, что состояние вашего священничества не есть такое благочленовное и соипостасное, какое видели мы в первенствующей древней церкви во всеблагодатном троичном удобрении, не есть в таковом богопреданном и всекрасном совершенстве в каковом было оно при блаженных прародителех наших. и толико отстоит ваше иерейство от христопреданнаго, елико отстоит плотское состояние от духовнаго, и елико бездушный человек разньствует от душевленнаго. Аще бо воззрим на начало вашего священничества, то находим: что все оно помрачено неверием и благочестия отступлением. Ибо архиереи, от них же произведены ваши священники, тмою одержимы суть еретичества. Аще приникнем к действию и совершению тайн внешняго священничества, тамо не видим отнюд Божескаго присутствия, и осияния духовнаго на души приемлющаго и дающаго хиротонию: ибо облак ересей и тма нечестия прогоняют от себе лучи благодатныя. Словом сказать: ни малаго не находим мы сходствия и подобия в вашем иерействе с первообразным от Христа и святых апостолов учрежденным священничеством. Не находим мы в нем Божественнаго производства духовнаго чина и числа совершеннаго. То по чесому может быть именоватися ваше иерейство, Христовым, и от Него преданным священничеством, весьма о сем недоразумеваемся.

Трифилий: Хотя иерейство наше и не может быть столь совершенно, каково было оно сначала веры, и при прародителех наших, однако, как я прежде говорил вам и ныне тоже повторяю паки, что есть такое правило в старопечатном Большом Катихисисе: аще и не всяк должен есть священствовати, но убо потребовати священства всяк должен есть, без него бо спастися не может. Того ради мы, с правильным разсуждением согласуясь, по нужде приемлем и от еретик рукополагаемых в том же чине, коим они там были удостоены. И в сем мнении стоим мы. По правилу 69, карфагенскаго собора, которое в книзе Кормчей, на листе 153-м сице напечатано. Иже от Донатия поставленнии. аще и от римскаго собора покаявшеся неприятни в священничество, но понеже спастися всем добро есть во исправление пришедше да будут прияти. Толкование. Се убо еретицы донатиане, аще будут поставлени своими епископы, или диаконы, или презвитери, приступльше к правоверней вере, и свою ересь прокленьше, свою честь имети. и во своем степени пребывати прощени быша, в причет соборныя церкве вчиняеми быти, понеже во Африкии велми скудно есть причетников дозде. Сие соборное правило явственне возвещает священства нашего незазорное благостояние: и благовременно обличает предерзское ваше к священным канонам сопротивление. Какое бо можете вы, борителие истины, на довод сей выдумать еще критическое умышление, отвещайте немедленно.

Тарасий: Добре убо рекоша отцы [книга Просветитель Иосифа Волоцкого, слово 5]: яко доброе не во свое время приемлемо, на злое происходит не от естества своего, но не от разсуждения приемлющих его. яко же божественныя Лествицы списатель Иоанн глаголет: есть убо и тоже тому же во свое время приемлемо лечьба спасительна. не во время же смертно устрояется. понеже божественная писания требуют времене подобна и лица видети, яко же пишет святый Исаак Сирин [Никон Черныя горы, слово 2], аще убо рече, не разсуждаем время и вину, им различие вещем, но яже по смотрению глаголанная, или бывшая объятно на всяко время приемлем, главою имамы снити, и горняя долу будут. дозде. Подобает убо и вам Трифилий со всяким вниманием, и прилежным испытанием, проходити божественная писания. Ибо писмя множицею убивает по сказанию святаго апостола Павла, дух же животворит. Привел ты для защищения безглавнаго своего поповства правила от собора карфагенскаго, которое не только что не оправдывает состояния вашего, но ежели благоразумно вникнем и разсмотрим, то оно наипаче еще вящшую приобрящет вам повинность: потому что невнимательным оком смотрите вы на его силу, и свое недостаточество. Теперь приступим же мы к разсмотрению двух ваших предложений, имеют ли они самую ту для вас силу, каковую вы в них заключаете. Карфагенскаго собора правило священничеству вашему ни малаго не подобает утверждения: ибо тамо приходящих от донатиан причетников принимали в христианское общество православные епископы, которым власть и сила дана от Бога, по довольном разсуждении удостоивать, или улишать кого сана священническаго. Ибо сказует Номоканон церковный [Большой Потребник Иосифов лист 666], яко иереов и протодиаконов грехи: яже извержения томления наводят епископом, суду подлежат. да не дерзнет духовник [сиречь священник] разрешити их: яко же бо невозможно ему хиротонисати. сице же ни на священства степень и изпадшаго паки возвращати, еже бо во гресех извержения сущему священнодействовати: есть аки паче подобающаго возводити на священство. что же аще и мы речем к сим. како могут попы ваши, приходящих к ним иереов и диаконов хиротонисанных, от еретик принимать. в том же чине и достоинстве, которое дело отнюд, не им принадлежно есть, но токмо православным епископом, иже имут на сие власть от Бога. аще бо приходящии попы онии, от еретик крещеннии, и от еретик рукоположеннии, и при поставлении своем не получили дар священничества, поданием Святаго Духа (ибо еретики тайны действуют без благодати Божия). Убо кто может кроме епископа православнаго исправить великий сей недостаток, бывший в самом наиважнейшем деле посланничества, где не содействовал и не споспешествовал Святый Дух (понеже во избрании чинов в еретицех Святый Дух не присудствует). Но разве попы ваши не взирая на правила и законы церковныя [Потребник Большой в Номоканоне лист 715], сами себя избравше поставились во епископы, и ничтоже предприяв от верховныя власти Божия, токмо по своему самовластию других производят в чины духовныя, то сие дело горше есть, и самых тех нечестивых бесов во ангела светла преобразующихся, но не сущих. О чем отцы афонстии от книги Симеона Селуньскаго сице сказуют [Потребник Бол. в Номоканоне лист 715]: иже без повеления, и заповеди святительския действующии, подобная согрешают не рукоположне действующим ложным священником, и прочая. Аще ли же попы ваши не хотят на себе носить таковаго безчестнаго наименования, то почто преходят пределы оческия, и не знают своея мерности; ибо иереи отнюд воздавателныя благодати в себе не имеют [Симеон Селун. глава 77, 156, 177 и во ответе 37 третьей части], хоша бы и от православных епископов были удостоены священства рукоположением, яко же на многих местех в книзе своей святый Симеон Селунский пишет. То кольми паче ваши попы произшедшии от еретик, и рукоположеннии от них без благодати Святаго Духа, преподати сего дара духовнаго другим не могут. Ибо без всякаго прекословия, меньшее от большаго благословляется [к евреом глава, 7], и тма еретическая светом православнаго епископа прогоняется, и чрез него недостатки священническия правильно навершаются, и подобающии в силе закона суд приемлют. А чтобы болше могли вы увериться о сей истине, и признаться существеннее во своем заблуждении, то соблаговолите выслушать иже в Кесарии собора под 14 числом написанное к нашему разсуждению весма приличное правило [Кормчая печат. лист 56]. Епископи убо градстии, по образу суть двою надесяте апостолу. на них же дунув Господь, приимете рече Дух Святый, им же отпустите грехи, отпустятся им, и им же держите держатся им: се же по сих им же даровано бысть, и благодать Святаго Духа инем раздавати. сельстии же епископи суть по образу седмидесяте апостол. им же несть даровано благодати Святаго Духа раздаяние. ниже: по образу убо седмидесяти апостол, суще сельстии епископи. того ради, ни презвитера ни диакона не поставляют, яко благодати Святаго Духа подати инем не могуще. [Кормчей тоежде правило толкует Матфей правильник в книге его глава 31. состав, е, лист 202]. и аще убо сельстии епископи ниже грехов оставление, ниже Дух Святый можаху подати. иже множае презвитер оправдание имуще. кольми паче убо сии. [сиречь презвитеры] помыслы приимати не возмогают, и согрешения же решити и вязати, аще не от епископа приимут область сию [дозде и Мат.]. Видесте ли святаго собора онаго богомудрое разсуждение, познасте ли святых оных отец великаго разума силу; не яве ли сими обличается безблагодатное ваше священничество. и необузданная воля безглавных попов ветковских, ибо по сказанию приведеннаго мною соборнаго правила не токмо священницы: но и епископы сельстии, благодати Святаго Духа инем подати не могут. То отколе попы ваши взяли на себя такую неразсудную смелость, и непохвальную дерзость, что не данною им властию от епископа православнаго, приходящих к ним попов в ересех и во отступстве прощают, грехи разрешают, Духа Святаго коего и сами не имеют будто бы подают; мvром каким то неизвестным помазуют, и по помазании чрез правила церковная паки их попами поставляют, и дают им власть епископским определением кающихся Богови примирять, и отправлять церковная таинства. Да не знаю не дают ли полно им от себя и ставильных грамот. Ибо первыя их грамоты данныя от еретичествующих епископов, вовсе не годятся. Да и сообщники ваши нам сказывали. что новопришедшии к вам попы, не тою уже силою и властию, кую имели они прежде от своих епископов, связуют и разрешают впадающих в согрешения, и прочия вещи церковныя действуют. Но приняли глаголют они повеление и благословение на совершение тайнодейств от попов ваших, а именно: от Иоакима или от Михаила калмыка, кои дали им власть церковныя потребы исправлять и повеление. При всем том надобно вам, Трифилий, не забывать и различия ересей: какия были в еретиках донатистах и какия ныне имеются в российской церкви. Донатистов начальная ересь объявляется в том же карфагенском соборе, в толковании 49-го правила сице [Кормчая лист 135 на обор.]. Донатиане еретицы суть, от Доната некоего во Африкийстей стране, начало ереси приемше. сей бо Донат предал им кость некаку на руце их держати, егда хотят причаститися Святых Даров, и ту кость прежде целовати повеле, и потом причащатися им. Вот главная донацкая ересь. А других их еще ересей правила церковная не упоминают, кроме кесаря Барония. Российская же церковь содержит в себе ереси такия, каких в истории церковной в других еретиках и отыскать трудно есть. И сим означаем мы не малость, но презельность нынешних ересей, в сравнении Доната еретика, и прочих подобных ему. А какия ереси познаваем мы в нынешней Российстей церкви, то тыя видны будут вам из предложенных мною днесь двадесяти пунктов, которыя прошу выслушать от мене с благосклонным понятием.

1.

Нынешнии учители, пишут во своих книгах [Розыск лист 18, и Обличение лист], яко бы имя Исус двумя слогами изображенное, в древних книгах, не знаменует Христа Спасителя, и Исцелителя: но некоего Исуса глаголемаго равноухаго. и яко от еретика Мартина арменина таковое имя кратко изображенное внесеся в старыя церковныя книги, а не от древних святых преводников [Пращица и соборн. деян. ересь 15].

2.

О том же имени Исусове в книзе Обличении, на листе 83-м напечатано. яко бы в древних книгах имя Исусово без иты писано от дьячков ленивых по невежеству: и сие ругательство касается до всех древних российских святых мужей, которыя писали своеручно имя Исусово без иты. яко же Алексий митрополит в новем завете, и другия тоже, и на святых иконах и чюдотворных крестах видится.

3.

Книги старопечатныя, и старописменныя названы, или справедливее сказать опорочены, старогадкими, старопачканными, не правыми, не церковными, вероятия недостойными. и яко бы переведены они были под именем святых отец подложныя на прельщение, а не на спасение рускому народу [Обличение лист 33, втораго счета лист 135, и 110 и 18 втораго счета?].

4.

Изображенную на иконе Божию Матерь греческим живописным художеством, уподобляют руской бабице [Обличение лист 21 втораго счету].

5.

Крест животворящий от трех древ сложенный с титлою, именуют ругательно расколническим брыньским, осмиконечным выгоцким [Обличение лист 56, Розыск лист 179, и Обличение лист лист 38].

6.

Сложение перстов, по древнему церковному преданию: знаменующее две тайны богословския. троицу лиц божественных, и двоицу естеств Христовых хульствуют [Скрижаль и Псалтырь новопечатныя]. весма зло оглагателно порицающе ариевою пропастию, и несториевым разделением. идеже перстами образуются два естества Христова, на тех перстах имя демонское, надписуют [Розыск лист 188, Обличение между 9-м и 10-м листом]. и напечатавши чертеж с древних святых и чюдотворных икон. на коих благословящия и молебныя десницы воображены по древнему преданию. их же числом сто четыре руки. таже на концы при сложении десницы двома перстома, изображенною прописию. все оныя выше сложеныя святых руки названы арменьским кукишем. а пониже на листе, 26-м. оное же перстов сложение, сказуют, будто бы взято от горшаго черта.

7.

Христа Спасителя нашего глаголют во Иордане крещена бывша поливанием, а не погружением [грамота Досифея патриарха Иеросалимскаго и кесарь Барон.?].

8.

Неприемлющих поливателнаго крещения, называют атеистами безбожниками [Скрижаль о поливательном крещении лист 5].

9.

Древние антимисы отвержены с крайним уничижением, и ругательством. яко бы они столь неблагообразно вымараны, что и смотреть на них гадко есть [Обличение лист 41 втораго счету].

10.

Стоглавнаго собора священных отец, возъименовали безмозгими и плевелосеятелями.

11.

Восточныя церкве учителя Стефана Зизания, проименовали ефиопом, и учеником лукаваго диавола [Обличение лист 139 и 128].

12.

Константина Панагиота греческаго учителя, ревностное обличение латинских ересей сравнивают с шумством бражников, и людей кабацких [Обличение лист 145 на обороте].

13.

Мучеников Христовых ревностно обличающих поганых царей, и нечестивых мучителей на судищи не вменяют за законных мучеников. и повести таковыя во святых книгах почитают за ложныя [Скрижаль печатн., толков. блаженств лист 130].

14.

Книгу именуемую Кирилову, неблагочестне злословяще, всюду порицают ея книгою ложною и вероятия недостойною. содержащияжеся в ней избранныя словеса от пророческих и апостольских писаний о православней нашей вере и о превысочайшей богословии оглаголивают прелестию и обманом простым людям. и яко бы сии плевелы [то есть Божия глаголы, или божественныя догматы] посеял Зизаний. что де зело противно есть Богу, самой естественной истинне и доброй совести, единому диаволу иже есть отец лжи его же учеником соделался Зизаний [Обличение глава 7, лист 138].

15.

Афанасиевы ответы на вопросы князя Антиоха, глаголют быти подложныя, а не истинныя [Обличение лист 18 втораго счету].

16.

Отмещут достоверную и чюдотворную повесть о Траяне царе, и о Фалконилле девице. молитвами святаго Григория, и первомученицы Феклы по смерти спасшихся.

17.

Какое то призывают в молитвах своих великое имя, паче имене, Святыя Троицы [молитва Трифона в Большом Требнике новопечатном], котораго имене не может носити на себе и самый твердый камень, но разседается, яко воск от лица огня. сие имя мнится нам согласно будет оному имене. его же призывал Замврий волхв жидовский, на умерщвление вола при святейшем папе Силивестре Римском [Чет. Мин. генваря в 2 день, в житии святаго папы].

18.

На новопросвещаемых полагаемый куколь, иже есть образ незлобия и чистоты, называют кукишем [Обличение лист 30 на обор. втораго счету]. а мантию иноческую, юже святии отцы именуют покровом Божиим, уподобляют простой япанче, покрывающей человека от дождя и снега.

19.

Пение староцерковное порицают дурным и мужичьим [Обличение лист 26].

20.

Власоращение, париконошение, и брадобритие оправдают во своих книгах, и не вменяют сего во грех [книга Розыск глава 19, Увет от листа 71 до листа 76]. которое учение их противно есть учению святаго апостола Павла, и божественнаго Златоуста, и другим учителем церковным.

И иныя ереси какия возновлены в российской церкви, от 1666-го года, после вам еще предложим пространнее. А теперь будет довольно и сия яже сказах вам. Долженствуете накрепко иметь в своей памяти, дабы не прельщались вы паки сравнивать нынешних отступников и еретиков, с древними донатистами, которых ересь в разсуждении настоящей, самая была легкая, да и та конец имущая. А вы знайте и веруйте сему несумнительно, что последнее падение греко-российския церкви сделалось без востановления, наподобие западной, которая так же как и российская, и не думает поправить себя в еретических мнениях, но что далее то глубочае в ереси погружаются. И сие сказуем мы вам не токмо от збытия вещей: но и от божественных писаний. Настоит бо самое то время, о нем же предрече Дух Святый божественными праотцы нашими. яко всему тому подобает совершитися по исполнении 1666 лет. Читайте о сем со вниманием тридесятую главу в книзе О правой вере, и уразумеете. А для избежания настоящия многообразныя прелести, весма нужно вам знать содержание главизны оныя. Того ради наипаче, дабы вам по слабости разсуждений своих, так же как и прочим не подвергнуться еретичеству. Ибо неразсудная ваша ревность к причетничеству церковному, яве стелет вам путь к сему погибельному состоянию. Многия попы приняты вами в сообщество рукоположенныя от архиереов поливанцов с мысльми наполненными еретичества и чваньства богомерзскаго, а сие то и есть для вас самая наисмертоноснейшая язва, что отчасти стали вы привыкать, к еретическому мнению и выправлять для безполезнаго своего поповства древнею церковию отверженною, и проклятое поливательное крещение; с ним же облегчаете вы безсовестно и другия богопротивныя ереси, состоящия в нынешной российской церкви, в самом зрелом виде латиноримскаго бешенства. Нередко случалось мне приметить в вас еще и сей недостаток: еже ли бы кто из любопытства вопросил вас о самой сущности поливательнаго крещения. Имеет ли оно право называться истинным крещением, или нет. То все вы тогда согласно ответствуете: что поливательное крещение несть крещение, но паче осквернение. И приводите на се неложнаго свидетеля освященный собор бывший в царствующем граде Москве, при святейшем Филарете патриархе Московском, и всея Русии, и другия церковныя. Когда же вопросят вас о попах рукоположенных архиереями обливанцами: можно ли таковых принять ко исполнению церковному, в том же иерейском сане, в нем же у еретиков быша, и не будет ли сего насилия церковным правилом, егда хиротонисанный обливанцами станет отправлять всякия потребы церковныя. То сей запрос будете решить вы тогда, не теми уже божественными правилами, кои гласят о оскверненных поливательным крещением, и от них рукополагаемых, но употребляете в защищение безблагодатнаго своего иерейства чюжая оружия, ими же защищаются лютерокалвинове, егда обличаеми бывают в ереси сей православнокафолическою восточною церковию. Иногда же бывают от вас и такия еще лукавыя увертки, и неподобныя вымыслы: буде попов своих правилными законами защитить не можете, а лютерокалвинския пролазки о поливательном крещении нами в дело не приемлются, тогда ухищряете вы на большую себе погибель другой способ, не меньший перваго злобою. Отвергши от себе Божий страх и человеческий стыд станете лгать, а людей добрых обманывать: нет де у нас таких попов, да и не бывало, кои бы рукоположены были поливанцами (но ложь сия не всякому открыта, от бывших поливанцов не забыта). Видите ли отец Трифилий коль пестра злоба ваша; где недостает для вас истинных правил, там ложныя вместо истинных путешествуют. Но сие ли есть свойство добрых христиан, и сие ли дело благия совести. И таковая правда ваша, непомраченная тмою еретичества. Но лучше бы вам лучше по моему совету взяться за правило апостольское, под числом 68-м в книзе Кормчей напечатанное, кое едино могло бы вас учинить свободными от всякаго примеса и зазора еретическаго.

Как скоро Тарасий сие слово выговорил, тут слышатели, а особливо простой народ воскликнули громкими голосами, пожалуй батюшко прочитай нам то апостольское правило, в какой оно состоит силе. Мы желаем как бы души свои помиловать, и никто себе лиходеем быть не хочет. Тут по общему приговору оное апостольское правило довольно было разсуждаемо, и осталась истинна на стране Тарасиевой с поморянами. Тое правило прилагается мною здесь для ведения тем людем, которыя у себя не имеют в дому старопечатной книги Кормчей, и других канонических толкований.

Правло 68. свв. апостол [Кормчая лист 19].

Дващи поставленный, и с поставльшим его да извержется. аще не будет токмо еретическая рука первая. Толкование [Алексия Аристина]. Аще который епископ, или диакон, второе поставление приимет от кого, перваго возненавидев, да извержется сам, и поставивый его. аще токмо не прилучится, яко от еретик поставлен бе первие. ибо от тех крещении, не крещение: и поставлении, не причетницы.

На тоежде 68 правило, толкование Матфея Властаря [глава 24, состав x].

Шестьдесяте и осмое святых апостол правило, иже второе от кого хиротонию приемшаго епископа, или причетника, изметати повелевает, и того хиротонисавшаго, аще сведяше с ним: разве аще от еретик хиротонию приял бе, отметаем бо таковых яко же крещение, сице и хиротонию. не бо и крещения сия, но скверну веруем исходатайствовати.

Инаго толкование, на оное же 68, апостольское правило [Никона черногор., слово 63].

Аще который епископ, или презвитер, или диакон, второе поставление приимет от некоего. да извержется и той, и поставивый его. разве аще объявлено есть, яко от еретик имать рукоположение, от таковых бо поставленом, или крещеным, ниже верным ни причетником мощно есть быти. [дозде].

По разсмотрении довольном вписаннаго мною здесь апостольскаго 68 правила, с различными толкованиями, и по другим обстоятельным разсуждениям, Трифилий старец зделался вовсю безгласен, и задумавшись сидел долго время в молчании. А между тем прилучившиися тут по виду честныя два мужа, коих называли пустынножителями, они вопросили Тарасия в следующем: Пожалуй господин доброй покажи нам путь к познанию истинны; может ли быть благочестивое християнство без священства видимаго; и есть ли спасение христианину без святой евхаристии; и какими бе следами удобнее могли мы достигнуть до пристанища церковнаго. О всем благоволите поговорить нам от святаго писания, сколко будет вашей возможности [изобильнее] пространнее, что со усердием желаем все мы от вас слышать и пользоваться.

На сей запрос состоящий в различных требованиях от скитожителей Тарасий ответствовал следующим образом: Какими следами доходит до познания истиннаго христианства, и до познания православныя церкве на то вам вместо меня ответ держать будут святый Златоуст, и списатель книги О вере сими словесы [книга старопечат. О правой вере. глава 23, лист 215, на обор.]: Иже суть во христианстве да прибегают к писанию. ибо от того времени, егда ереси церковь возмущати начаша. ни единаго инаго истиннаго христианскаго прибежища, иже правость веры хотят познати, кроме божественнаго писания имети не могут. прежде бо многи образы быша к познанию истинныя Христовы церкви, и поганских синагог, сиречь соборищь. а ныне никаковым иным образом познати не можем, кая бяше истинная церковь, разве точию от писания, и сие чесо деля. понеже вся вещи иже суть свойственне, и истинно Христовы, и еретицы имут в раздрании, подобныя имут церкви, такожде святаго писания, подобныя епископы, и иныя в духовном чину клирики, подобное крещение, [безкровныя жертвы] подобныя святости, и ины вещи вси, наипаче же самого Христа, хотя же познати кто, кая бы бяше истинная Христова церковь, откуду познатию имать в таковем подобенства мешании, разве точию от писаний, к сему же от обычаев и поступок. Сий аргумент [довод] премудрых мужей, и наставников наших к полезному, некако гадательне припоминает нам, дабы разсуждали мы о состоянии православныя церкве, не токмо единым слова Божия объяснением, но самого времене разсматриванием. еже и святый апостол Павел присловствует негде глаголя [к филип. глава 3, ст. 16]: в не же достигохом, рече, то же да мудрствуем, и тем же правилом жительствуем. и другий паки тому же обучая советует: да церковная правила употребляем в полезное, взирая на обстоятельство времене, и на чины ключаемыя. его же сказание таково есть: Божественная правила от святых соборов [Кормчая старопечат. глава 71, 863. слово Никона Черногор. лист 637. на обор.]. И инии глаголи святых отец, и от тех самех градских закон, яко да кождо от хотящих потребное в ключимем чине, и своим временем приплодит ползу. и паки тойже [Никон Черногор. слово 52 О покаянии]: Яко не подобает яже по нужди бывающая, или по смотрению некоему временну, всегда та в свидетельство приводити, но егда паки таковое найдет время. (дозде).

Сия предложения руководительствующая к времене обысканию, нужно объяснить еще примерными случаями, от коих истее познать можем мы. како подобает ныне пребывати в дому Божии, яже есть церкви Бога жива, столп и утверждение истины исповедуема [1 Тим. пос. зач. 284]. о чем прошу выслушать с наиприлежнейшим вниманием.

О ветхозаветной церкви.

Церковь православная, иногда бывает в самом господственном виде, и в самом великолепном сиянии, и в самом полном состоянии, каковаго требуют учрежденнаго на то правила, и божественныя уставы. такова была [например] древлезаконная церковь, при царстовании благочестивых государей, великаго царя и пророка Давыда, и сына его [воздвигшаго великолепный Богу храм] премудраго Соломона. в та бо времена такое было прерадостное состояние Божиих людей живущих во Иеросалиме, каковаго в роде июдейстем ни прежде ни после того не бывало: что все видети можно есть от царственных книг, и паралипомен; из них же для любопытства вашего изглаголю аз самую малейшую часть, како веселяхуся людие израильтестеи, при совершении храма Божия, в бытность Соломонову: и в препровождении киота Господня во дни Давыдовы [1 книга Паралипомен, глава 15, ст. 1. ст, 4].

Егда бо царь Давыд уготова место киоту Божию, и сотвори ему скинию, тогда собра весь израиль во Иеросалим для препровождения киота Божия на учрежденное место [2 царств. глава 6, ст. 13]. и беша с ним не суще киот Господень седмь ликов: и жертва телец, и агньцы, и Давыд бряцаше во органы, устроены пред Господем [ст. 14]: и облечен во одежду изящну [белу]. и весь дом израилев несяху киот Божий со восклицанием, и гласы трубными [ст. 15]. и вознесе Давыд всесожегаемая пред Господа, и мирная [ст. 17]. и благослови люди о имене Господа сил [ст. 18]. И сие при Давыде бе. а что же при совершении храма Господня во дни Соломоны бысть; тогда и наипаче людие израильтестеи ликовствующе, праздноваху пред Господем Богом своим: о коем торжестве их в книзе Царств третиих во главе осмой и в книзе Паралипоменосе второй сице повествуется [2 Паралипом. глава 4 ст. 22; глава 5 ст. 3].

Егда совершися все дело, еже сотвори Соломон в дому Господни, тогда собрашася к царю вси мужи израилевы в праздник [ст. 6], и жряху тельцы и овны безчисленны, и не сочисляемы от множества [ст. 6]. царь бо Соломон пожре тогда в жертву волов двадесять [ст. 7], и две тысящи овец сто и двадесять тысящь [ст. 5], и освяти дом Божий царь, и вси людие с ним [ст. 6]. Священницы же стояху на стражах своих, и левити во органы пояху песни Господни, яже сотвори Давыд царь к похвалению Господа [3 Царств глава 8. ст. 65]. и совершашеся праздник той седмь дний, ядуще и пиюще и веселящеся пред Господем Богом своим. во осмый же день разыдошася людие, и благословиша царя [ст. 66], и идоша кийждо в домы своя, радующеся веселым сердцем, о благих яже сотвори Господь Давыду рабу своему, и израилю людем своим. и бе Соломон начальствуя во всех царьствах от реки филистимския, и даже до предел египетских [3 Царств глава 4. ст. 21]. и бяху приносяще дары и работающе ему [ст. 25]. июда же израиль живяху безпечално, кийждо под виноградом своим, и под смоковницею своею, ядуще и пиюще от Дана и даже до Вирсавии во вся дни Соломона.

От сих радостных провещаний и торжественных праздников яве познавается в каковом благоденьствии бяше церковь ветхозаветная во дни помянутых царей июдиных. Отсель посмотрим же мы на оную с другой стороны, с стороны, глаголю, во всем противной предреченному благоденствия ея.

В лето девятое Седекия царя сына Иосина, царь Вавилонский Навуходоносор прииде с силою тяжкою зело во страны Палестинския, и плени вся люди живущия во граде Иеросалимсте, и храм Господень зажгоша огнем и царев дом, и вся домы великия огню предаша [Иеремия гл. 27, ст. 1; Царств 4, гл. 25, ст. 1; Иеремия гл. 29 и гл. 25]. тогда расхищен бысть весь возлюбленный Израиль ассирийскими халдеями, и преселен в Вавилонию, и бе в распленении том, и во одержании и языческом седмьдесять лет по глаголу Господню. еже предрече им усты Иеремии угодника своего [Иеремия гл. 25 ст. 12; гл. 29 ст. 10].

Отсюду помыслите в каковом бедственном состоянии была тогда церковь Иеросалимская, и каковое терпела она от оных свирепых варваров печальное злоприключение. Не было тогда у сих бедственных людей ни молитвеннаго храма для общаго собрания, ни священноравинов, споспешествующих спасению их поучением закона Божия и приношением жертв видимых и кровных очищений. И что еще не глаголю болшаго их злострадания; не было сим жалостным народам, посреде варваров тех разсеянным, никакой свободы посоветовать о всеобщем спасении; что все обстоятелно видел тогда Божий пророк Иеремия, чего ради плакаше над градом Иеросалимом с сими горестными восклицании [Плач Иеремии гл. 1, ст. 1, ст. 3, ст. 4]: Како град умноженный людьми, бысть яко вдовица седе в языцех, не обрете покоя. путие Сиони рыдают, яко несть ходящих по них в праздник: вся врата его разорена, жерцы его воздыхают, отъяся от дщери Сиони вся лепота ея, быша князи ея яко овни не имуще пажити, грехом согреши Иеросалим. того ради в мятеж бысть; вси славящии его смириша и. нечистота его пред ногама его, не помяне последних своих, и низведеся пречюдно. Виде бо языки вшедшия во святыню свою, им же повелел еси не входити в церковь твою. сынове Сиони честнии одеяни златом чистым, како вменишася в сосуды глиняны, дело рук скуделничих. и прочая. Подобною сей страсти жалостию поражен бысть и другий некто из святых пророков Божиих, Ездра глаголю [3 книга Ездра гл. 3, ст. 1], который в распленении том в тридесятое лето, от разорения святаго града Иеросалима, живяше посреде самаго того Халдейскаго Вавилона. И видя озлобление людей Божиих живущих тамо, скорбяще о них зело, и в печали своей некогда рыдая, сице вопияше [3 Ездра гл. 10, ст. 7]: О, яко Сион мати наша вся скорбию скорбит, и смирением смирена есть, и плачет вельми [ст. 21]. [и вину плача сказуя глаголаше] Яко освящение наше опусте, и олтарь наш сотрен есть. и церковь наше разорена есть [ст. 22], и псалтырь наш смирен есть, и песнь умолче, и радость наша разрушена есть. и свет светилника нашего угашен есть, и киот завета нашего расхищен бысть, и святая наша оскверена суть, и имя: еже возвано бысть над нами, едва не осквернено есть, и чада наша укорение претерпеша. и священницы наши сожжени суть, и левити наши в пленение отъидоша. и девицы наши осквернени суть, и жены наши насилие пострадаша. и праведнии наши восхищени суть, и отроцы наши изгибоша. и юноши наши служиша, и крепцы наши изнемогоша, а сие всех паче знамение Сиону. яко испаде от славы своея [ст. 23]. ибо предан есть в руки ненавидящих и. И сие сказа нам Ездра пророк, бывый в середине самаго того злострадания, в пленении Ассирийском, яко же выше рекохом. А за сим единаго из них еще воспомянувше, таже будем показывать каким образом спасахуся тогда людие Божии, без видимых церквей, без священников, и без приношения крови животных, проливаемыя за очищение грехов их, по закону Моисеову. Но кто же есть той пророк, его же воспомянути вам обещахомся. Осия глаголю, который прозорливыма очима предвидевый времена и лета будущая, и яже израильтяне претерпети имут в последняя дни, о том предвозвестив им сице глаголяй [Осия гл. 3, ст. 4]: Дни многи рече сядут сынове израилевы, не сущу царю, ни сущу князю, ни сущей жертве, ни сущей жертвеннику ни жречеству, ниже явлениям. Убо из сих пророческих словес яве дается видети, яко в таковых бедственных приключениях и нужных обстоятельствах, не иное каковое средство ко умилостивлению Бога оставлено бысть, оным сожаления достойным пленником, как разве тое, в нем же святии трие отроцы полагали упование спасения своего: Господи, некогда вопияху они в день скорби обышедшия их [Даниил гл. 3, ст. 38], несть во время се князя ни пророка и вождя, ни всесожжения, ни жертвы ни приношения, ни кадила, ни места еже пожрети пред Тобою, и обрести милость: но душею сокрушенною, и духом смиренном да прияти будем. яко во всесожжениих овних и юнчих, и яко во тмах агнец тучен, тако да будет жертва наша пред Тобою днесь. и скончаем по Тебе, яко несть студа уповающим на Тя. и прочая.

Сия жертва принесенная Богу от триех отроков, в день скорби обышедшия их, есть жертва самая истинная, жертва Богу благоприятная, и с святою Его волею весма согласная. Таковых бо жертв духовных и всесожжений, от любви сердечныя пылающих, всегда искаше от них Бог чрез пророков своих; яко же Давыд глаголет [псалом 49]: Слышите людие Мои, и возглаголю вам израилю, и засвидетельствую ти: Бог, Бог твой есмь Аз, не о жертвах твоих обличю тя, всесожжения же твоя пред Мною суть выну. не прииму от дому твоего телца, ни от стад твоих козлы, яко мои суть вси зверие дубравнии, скоти в горах и волове, познах вся птицы небесныя, и красота сельная со Мною есть: аще взалчю не реку тебе. Моя бо есть вселенная, и исполнение ея, еда ям мяса юнча. или кровь козлию пию, пожри Богови жертвы хвалы, и воздаждь Вышнему молитвы твоя. и призови Мя в день печали твоея, и избавлю тя, и прославиши Мя. И в другом месте паки той же глаголет: яко аще бы восхотел жертве дал бых убо, всесожжения не благоволиши. жертва Богу дух сокрушен, сердце сокрушено и смирено, Бог не уничижит [псалом 50]. И инде паки [псалом 68]: восхвалю имя Бога Моего с песнею, возвеличю Его во хвалении, и угодно будет Богу паче тельца юна, роги издающа и пазнокти. И паки [псалом 4]: пожрите жертву правды, и уповайте на Господа. жертва бо хвалы прославит Мя, и ту путь им же явлю ему спасение мое [псалом 49]. И что Бог усты Давыдовыми о жертвоприношениях возглаголал есть. Тое же самое и другими пророками множицею повторил им и сице рекуще [Иеремия гл. 6, ст. 20]: вскую ми кадило от славы приносите. и кинамон от земли далныя всесожжения ваша, не суть мне приятна, и жертва ваша не усладиша мя. егда приимет Господь в тысящах овнов, или во тмах козлищ тучных. зане аще принесете Ми всесожжения и жертвы, не прииму и на спасителная, явления вашего не призрю. И Исаиею пророком сице прещаше им глаголя: что ми множество жертв ваших [глаголет Господь] исполнен есмь всесожжений овних, и тука агньцов и крове юнцов и козлов не хощу, ниже приходите явитимися. кто бо взыска сия от рук ваших [Михея гл. 6, ст. 7; Амоса гл. 5, ст. 22; Исаия гл. 1, ст. 11]. И другий некто [1 Царств. гл. 15, ст. 22]: егда угодны Господу всесожжения и жертвы, яко же послушати гласа Господня; се послушание паче жертвы благи, и покорение паче тука овня. И паки [Осия гл. 6, ст. 6]: милости хощу а не жертвы, и ведения Божия, нежели всесожжения. Тоже и Моисеом пророком еще с самаго начала возвещаше им о воли своей: яко не во всесожжениих жертв безсловесных благоволит Он, но в хранении заповедей Его; что все изъяснил им в следующих словах [5 книга Моисеова, гл. 10, ст. 12]: и ныне израилю. что просит Господь Бог твой у тебе. точию еже боятися, Господа Бога твоего, и ходити во всех путех Его, и любити Его: и служити Господу Богу твоему от всего сердца твоего, и от всея души твоея, хранити заповеди Господа Бога твоего, и оправдания Его, елика Аз заповедаю тебе днесь, да благо тебе будет. И другий некто из пророков Божиих тоежде подтверждая глаголет [Михея, гл. 6, ст. 8]: возвестися бо тебе человече, что добро, или чесого Господь ищет от тебе, разве еже творити суд, и любити милость, и готову быти еже ходити с Господем Богом твоим. И ин паки [Иеремия гл, 7, ст. 22]: яко не глаголах ко отцем вашим, и не заповедах им в день, вонь же изведох их от земли египетския, о всесожжениих и жертвах. но токмо слово сие заповедах им, рекий: услышите глас Мой, и буду вам в Бога, и вы будете Мне в люди, и ходите во всех путех Моих, в них же повелех вам, да благо будет вам. И пророком Исаиею о хотении своем напоминая сице к ним глаголаше [Исаия гл. 58, ст. 2]: Просите ныне у Мене суда праведна, и приближитися ко Господу желаете глаголюще: что яко постихомся, и не уведел еси, смирихом души наша. и не уведел еси. во дни бо пощений ваших обретаете воли ваша, и вся подручныя ваша томите. аще в судех и сварех поститеся и биете пястьми смиреннаго: вскую Мне поститеся, яко же днесь еже услышану быти с воплем гласу вашему. не сицеваго поста Аз избрах, и дне еже смирити человеку душю свою. ниже аще слячеши, яко серп выю твою, и вретище и пепел постелеши, ниже тако наречетмися пост приятен, не таковаго бо поста Аз избрах, глаголет Господь, но разрешай всяк соуз неправды, разрушай обдолжения на силных писании [и исправляяй развращения нужных времен]. отпусти плененныя [сокрушенныя] на свободу, и всякое писание неправедное раздери. раздробляй алчющим хлеб твой, и нищия и безкровныя введи в дом твой. Аще видиши нага одей, и от свойственных племене твоего не призри; тогда разверзется рано свет твой, и исцеления твоя скоро возсияют. и предъидет пред тобою правда твоя, и слава Божия объимет тя, тогда воззовеши, и Бог услышит тя. и еще глаголющу ти речет: Се приидох [и прочая]. И в другом месте паки [Исаия гл. 1, ст. 16]: измыйтеся, рече, и чисти будите. и отъимите лукавство от душ ваших пред очима Моима. престаните от злоб ваших научитеся добро творити. взыщите суда, избавите обидимаго, судите сиру, и оправдите вдовицу, и приидите, и стяжемся глаголет Господь: И аще будут греси ваши яко багряное, яко снег убелю: аще же будет, яко червленое, яко волну убелю, и аще хощете и послушаете Мене, благая земли снесте; аще же не хощете, ниже послушаете Мене, мечь вы пояст. уста бо Господня глаголаша сия.

И о сем убо для краткости времене сего довольно есть: да опять же вразумитеьно каковыми жертвами благоугождается Бог от нас, и чего паче требует воля Его святая от словесныя твари, во всяком времени, и месте, и случаи, что все видимо бысть из вышепредложенных пророческих глаголов. на что кажется и вы не востребуете еще от нас более сего изъяснения.

А отселе благовременно последование слова поступаю я с вами еще разглагольствовать о церкви кафолической, Христовой и апостольской. И буду таким же точно порядком о ней доказывать каким выше [прежде] предложил вам об иудейском состоянии. Так же в начале опишем тоя благосостояние радостное, владычественное великолепное, и полномощное, а потом будем с святыми пророками оплакивать бедственное злострадание, какое претерпевает она в скончании века сего от лживых пророк, и ложных учителей, и безбожных еретиков, предваряющих злобою сына погибельнаго антихриста.

О новоблагодатной церкви Христовой.

Егда Господь наш Исус Христос, совершив еже на земли смотрение таиньство, и взыде в славе к безначалному Отцу своему на небеса [Деяния апост. гл. 1], и седе одесную славы величествия Онаго на высоких. и обетование Святаго Духа прием от Отца. и излия на святыя своя ученики, и апостолы, в день пятьдесятный по воскресении своем из мертвых [гл. 2]. Тогда святии апостоли начаша велиею силою воздавати свидетельство востанию Его из гроба [гл. 4]. и проповедати евангелие царствия всем людем. и приложишася в день той, сиречь в день 50-цы, вонь же сниде на них Святый Дух, в виде огненных язык, душ яко три тысящи. таже по мале времени яко пять тясящ [гл. 4]. Господь бо прилагаше спасающияся по вся дни церкви [гл. 5]. и бысть на всякой души страх, многа бо чюдеса и знамения [гл. 2]. апостолы быша во Иеросалиме, вси же веровавшии бяху вкупе, и имеяху вся обще. и стяжания и имения продаяху, и раздаяху всем, его же аще кто требоваше; по вся же дни терпяще, идяху единодушно в церковь, и ломяще по домох хлебы, приимаху пищю в радости, и в пространьстве сердца, хваляще Бога, и имуще благодать ко всем людем. не бяше бо нищ ни един в них [гл. 4], но елицы господие селом, или домовом бяху, продающе приношаху цены продаемых, и полагаху при ногах апостол. даяжеся коемуждо еже аще кто что требоваше, и ни един же что от имения своего глаголаше свое быти. но бяху им вся обща. народу бо веровавшему бе (тогда) сердце и душа едина, имение едино. О чем в Деяниях апостольских пространнее повествуется. Еще тамо же сказует Лука евангелист [гл. 5]: яко рукама апостольскими быша знамения и чюдеса многа в людех, и бяху, рече, единодушно вси в притворе Соломонове, от прочих же никтоже смеяше прилеплятися им, но величаху их людие, паче же прилагахуся верующе Господеви, множество мужей и жен. яко же на распутия износити недужныя, и полагати на постелях и на одрех, да грядущу Петру, поне сень его осенит некоего от них. схождашежеся множество народа от окрестных градов во Иеросалим, приносяще недужныя и страждущия от дух нечистых, и исцелевахуся вси, церкви же по всей Иудеи и Галилеи, и Самарии имеяху мир созидающеся и ходяще в страсе Господни [гл. 9], и утешением Святаго Духа умножахуся [гл. 6], и слово Божие растяше, и множашеся число ученик во Иеросалиме зело.

Егда же (во второе лето по вознесении Господни на небеса) [Деяния и Бароний Кесарь Деяния гл. 20] бысть гонение велие на церковь Иеросалимскую, тогда вси верующии разсеяшася по странах иудейских и самарийских [кроме апостол (Бароний лето Господне 35 лист 25)] их же числом бе до пятидесяти тысящ и множае, сие воинство разбежася по всей земли, и евангелие прослави, и сторицею множае людей к нему и к вере святей привлече. И тако оное гонение в превеликое умножение верных по всей вселенней пременися, к ним же Петр святый эпистолию пишет; нарицая их разсеянными в Понте, Галатии, Каппадокии, Асии, и Вифании. тогда исполнися глагол святаго пророка Давыда, еже рече: яко во всю землю изыде вещание их, и в концы вселенныя глаголы их [дозде Бароний].

Мы же, вся сия слышавше, поразумеем внимателно сердцем [псалом, 18], колико радости тогда бе в верующих во Христа народах, и колико играше дух их егда видяху почти на всяк день пред собою новыя и преславныя чюдеса, представляющия им славу великаго Бога, Ему же они удостоишася служити верою яже в Христе Исусе.

На сем месте должно бы мне описать словом изобильным торжественное то утешение церкве Иеросалимския и церкве повсюдныя, яже бе во времена апостольския и далее; но сего бренный мой язык и несвободный разум вместити никак не возмогает, то приведу я сюда во свидетельство великаго богопроповедника Исаию, и другаго некоего от пророк Божиих, иже светом Духа освещаеми в разуме. И яко в зерцале чисте вся та предзряще, яже мы выше глаголахом, и яко бы в самое то время посреде их живуще, и радости оныя соучастниками сотворишася, о новом том Иеросалиме и о новом жительстве предвозглашающе сице глаголаху.

Светися светися Иеросалиме, прииде бо ти свет, и слава Господня на тебе восия, яко се тма покрыет землю, и мрак на языки, а на тебе явится Господь [Исаия гл. 60. Триодь в Велик. суб. в навеч. парем. 2-я]. и слово Его в тебе узрится, и пойдут царие во свете твоем, и языцы светлостию сияния твоего. возведи окрест очи твоя: се приидоша вси сынове твои издалеча, и дщери твоя на рамех возмутся. тогда узриши, и возрадуешися и убоишися, и ужаснешися сердцем, зане преложат на тя богатство моря, и язык людей, вси от Савы приидут носяще ти злато и ливан, принесут ти и камень честен, и спасение от Господа благовестят, и вознесутся приятная на жертвенник Мой, и дом молитвы Моея прославится. кто сии, яко облацы летают, и яко голубие со птенцы своими: и созиждут сынове инороднии стены Твоя, и царие их служити будут Тебе, языцы бо и царие иже Тебе не поработают погибнут. и языцы запустением запустеют, и слава Ливанова к Тебе приидет, кипарисом, и певгом и кедром вкупе, прославити место святое Мое, и место ногу Моею прославлю, и положю тя в радость вечную, и веселие в роды родов, и иссеши млеко языком, и богатство царей снеси. и оставлю в тебе людие кротки, и смирены, и будут надеятися на имя Господне. и благоговеют о имени Господни, останцы Израилевы, и не сотворят неправду, и не возглаголют суетная, и не обрящется во устех их язык льстив [Сафония гл. 3, Паремия, 7]. и яко живый юноша с девою тако поживут сынове Твои с Тобою [Парем. 9]. и будет им же образом возвеселится жених о невесте своей. тако возвеселится Господь о тебе. Тогда пожируют волк со агньцем, и рысь почиет с козлищем [Исаия гл. 11, Парем. в навечер. Рожества Христова]. и телец и лев, и юнец вкупе пожируют, и отроча мало поведет их, телец и лев вкупе пасутся, и вкупе чада их будут. и приидут иноплеменницы пасуще овцы твоя, и иноплеменницы виноградницы и орачи вам. вы же священницы Господни наречетеся, и служебницы Богу вашему [Исаия гл. 61, Парем. в суб. Велик. вечер.]. Аз бо есмь Господь любяй правду, и ненавидяй хищения от неправды, и дам труд их праведником. и завет вечен завещаю им, и познаются во языцех семена их, и внуцы их посреде людей, и всяк видя их познает их, яко сии суть семя благословено от Бога. [Дозде пророческая светлая о церкви святей и предивная похвала].

И возмнит кто от вас слышателие честнии, како бы толико имеется в книгах пророческих слов принадлежащих до похвалы церкве Божия, яже зде краткословно мною изъявишася; ни. Не буди сего вам помыслити. Но се есть токмо аки бы едина капля, и та как бы сказать самая малая взята бысть от великаго окияна, по притчи некоего мужа премудраго. Аще же бы по единому глаголана быша были вся тех божественная словеса, к славе Божией, и к похвале церкве Его прикладныя; и ежели бе восхотел я присовокупить к сему еще апостольская списания, и церковная торжественная словеса, и повести святых во историях лежащия, то б целое столетие постигло бы вас в разглагольствии сем. Но как быть сему отнюд невозможно, паче же и неудобно, то оставим мы все оное подробствовать всемирному лику церковному, а будем зде токмо глаголати о том, к чему ваше желание более стремится [простирается].

Не неприлично бы кажется на сем месте побеседовать мне с вами еще о пространьстве церкве Христовы, и о преудивительной великости ея. И како всесильный Бог в скорби рапространил ю есть по псаломническому гласу [псалом 4], во оныя 300 лет в самыя гонительныя времена. И како паки возвеличив утешил ю есть, и прославил в ней имя святое свое по всей земли, в лета благочестивых и христолюбивых царей, Константина, глаголю, равноапостольнаго, Феодосия Великаго, Гратиана благочестиваго, Аркадия,и Анория православия поборников, и Феодосия юнейшаго, иже в царстей багрянице равноангелных житию подражавшаго: и паки Валентина и Маркиана пречюдных царей греческих, и иных христолюбивых на востоце и западе, и в последних краех вселенныя, великих браздодержателей. Не толико багряницею, елико благочестия светом вся концы вселенныя предивно осиявающих. При них же церковь святая, яко солнце на тверди небесной блистающи, всю поднебесную учением веры осветила есть. При них созидахуся храмы Божии преогромныя, великости во всех странах вселенныя. При них, глаголю, быша велицыи столпи церковнии: Афанасий бесмертия тезоименитый, и друзии безчисленнии учители, иже яко звезды пресветлыя учением своим, всю осияваху подсолнечную. Тогда и законы церковныя, без наималейшаго ущербления во всей своей целости в церкви Христове соблюдахуся. И что много глаголати; церковь Божия бе тогда яко невеста преукрашена Жениху [Мужу] своему, изобилующая всеми драгими утварьми, прислушающими тоя благородию. Не было в ней тогда ничего скуднаго, ничего недостаточнаго, ничего нискаго и подлаго. Но яко царица порфироносная предстояше одесную великаго царя преиспещрена и преукрашена от внутрь уду, и вне уду ризами позлащенными, по глаголу багряноноснаго царя Давыда, на ню же обрати некогда око свое Жених небесный. и виде внутрь сияющую чистоту доброты ея, паче лучь солнечных и преудивляяся совершенней тоя красоте, и благолепию. тако приветствовати ю невестнически благоизволил есть [Песнь песней гл. 4, ст. 7; гл. 6, ст. 9; гл. 2, ст. 14; гл. 4, ст. 11]: вся добра рече, ближняя Моя, и порока несть в тебе. добра еси яко луна, избранна, яко солнце. глас твой сладок есть, и образ твой красен есть. Сот искапают устне твои невесто, мед и млеко под языком твоим. и благовоние риз твоих, яко благоухание ливана; и прочая.

Но и сие повествование сколько в самой силе содержания своего ни важно есть, обаче пространнейшаго изъяснения за краткость дне сего от нас улишается. А теперь буду я продолжать вам повесть о бедственном ея состоянии, в каковом ныне вси мы общественно видим ю находящуюся. Уже бо [по примечанию нашему] несть ни единаго места под небесем, где бы церковь не была утесняема, изгоняема, и различными виды ересей, и отступств, насилуема и повращаема, и сие страждет она не токмо от гнусомерзостных агарян и безбожных турок, но от самых тех соплеменник ея и преискренних союзников, иже исперва бывших под кровом тоя яко пастырей и учителей, ныне же чрез достоиньство претворившихся во овцехищных волков и губителей. И о сем послушайте, что извествующе рекут нам тии самии греческих и палестинских стран наидостовернейшии послухи. И во первых да будет нам послухом [свидетелем] тамошних злоприключений преподобный Максим Грек, который описывал восточных и западных стран великое развращение, во втором слове на богоборца пса Моамефа, горкожалостне воскликнув сице глаголаше [книга Максима Грека, гл. 9]: Где ныне, рече яже во благоверии и честности благолепней возсиявшая красота вкупе и слава бывших верных во Иеросалиме, и Александрии, и Египте, и Ливии, и Антиохии; где теплота она и ревность божественная восиявших в посте в ските, и в горе Фиваиде, и в различных странах, и горах богоносных и равноангельных отец наших, где яже во благоверии возрастшая высота пресловутая и похвала всех западных язык, святая глаголю соборная и апостольская церковь, ветхаго Рима; не сия ли вся видим ныне, ова убо обладана бывша, ова же запустена от безбожных агарян. ова же охудена и непотребна бывша до конца, различными богомерзскими ересьми. их же началник есть той же пресветлый, и преименитый во всяком благоверии, и житии честном и премудрости древний Рим, и яже о нем прочая Италия. иди мысленным души оком во Индию, и Ефиопию последних концех вселенныя, и тамо обрящеши всяко безобразие, и гнушение всяческих ересей, есть же где и агаряньское нечестие узриши тамошния языки прельщающе, и к себе прелагающе. где различныя восточныя верныя языки, от них же свет благоверия начен сияти. при божественных апостолех, и ими к нам европианом разлияся; не сия ли вся без мала агаряньская нечестивая тма, ова убо к себе уже преложити. ова же непотребствова, и от злобы растлила есть душевне, и разтлевает всегда всяким образом. и что не глаголю большее всех бывших на земли пресловутых слышаний же и видений; где высота неприкладная [безпримерная], и слава елика во области, и премудрости, и всякой добродетели. и благозаконии, и православней вере. и царствия православных христианских царей, царьствовавших во всеславнем и благочестивем граде, Константина Великаго: где всемирный он свет благоверия, иже подобно солнцу осиявающу вселенную всю архиерействовавшими в нем равноангельными святители; не сия ли вся леты уже доволными работна суть и подручна измаильтяном, и ниоткуду же избавления нам несть. но всегда яже уже по нас на горшее, а яже по них во еже славнее происходят уразумением мысленно, в каково злосчастие ныне доидоша. яже о нас бедных греков вещи. како всех онех благих вкупе лишихомся, и умалихомся паче всех язык, и быхом поношение соседом нашим. посмеяние и поругание окрестных наших по божественному рещи писанию, где убо ныне яже паче ума и слова, иже тогда совершахуся в нем от пречистыя Божия Матери чюдеса. избавляющия его паче надежды, от частных нахождений варварских; чесо ради ныне не востает Градохранительница и Владычница на заступление того и избавление; всяко прежде дерзнутых ради в нем нашими прародители неисцельных беззаконий, или не тако божественное песнопение глаголет, о подобне нам нечествовавших июдеох: обаче злащения их положил им еси злая низложил я еси, внегда разгордетися им, како быша в запустение внезапу исчезоша и погибоша за беззаконие их, яко же соние востающаго и прочее. таже над сим воспоминая глаголы святаго апостола Павла [в том же слове повыше], яко подобает прежде быти отступлению, потом же открытися сыну погибельному антихристу, и сие сказуя глаголаше, яко уже [отчасти] сбысться проречение оно апостолово: и яко уже отступиша языцы от евангельския истины, и уклонишася в развращение, что чрез последование вещей накончавая глагол Павлов, сице провозгласил есть. и когда иногда чаем, рече, видети или слышати отступление, сиречь преложение язык от непорочныя и правыя христианския веры, на различныя богомерския ереси, и на христоборное безверие агарян болше [паче] нынешняго, [тамо выше] идеже бо аще вселенныя простреши мысленное око души, тамо всяко обрящеши множахуся и омрачающу тму нечестия христианоборцев измаильтян.

И сия Максим святый сказа нам. А после его был зде в Руссии, Феофан Божиею милостию патриарх святаго града Иеросалима, он такожде между прочим к великому государю в грамоте своей, извествуя о тех странах, сице глаголаше [Кормчая печатная, на преди, лист 25]:

Егда бех, рече, во святом граде Иеросалиме, с прежде бывшим мене патриархом святейшим кир Софонием, и со инеми боголюбивыми тамо сущими митрополиты и архиепископы; и видех на востоце и полудне от поганых агарян святым Божиим церквам запустение, и православным христианом святаго греческаго закона великое насилие, и погубление, и утешения ни откуду несть, точию слух благочестиваго христианскаго российскаго царя, яко той един на вселенней владыка и блюститель непорочныя веры Христовы, прочии же вси аще нецыи и именем христиане нарицахуся, но далече от истины отпадоша, и горше окаянных турок, в православней вере гонители быша, и никоеже упование тамо в сущих странах, наипаче же во святом граде Иеросалиме. идеже спасительныя страсти, и воскресение, и еже на небеса вознесение Господем Богом и Спасителем нашим Исус Христом содеяшася, точию надеждою веселяхуся благочестивых и боговенчанных царей русских. на них же уповающе тамо пребывающе христиане, аще и зело нечестием от поганых мучими, но надеждою благоверия благочестивых русских царей яко на водах покойных прохлаждаеми, и еще о жидах, еда како благоволит Бог сими, в плену держимым греком свободу, и от мучительства отраду. Грамота сия дана бысть 7127 лета.

Сим засвидетельствованием двух достоверных послухов, по силе закона Моисеова довольствуясь [5 Моисея, глава 15, и 17], отселе будем еще представлять вам, о тех вещех, яже у нас внутрь российскаго содеяшася, и содеяваются.

Егда бо исполнишася по тысящи, 666 лет, от воплощения Бога Слова, и егда, по проречению списателя книги О вере [кн. О вере гл. 30, лист 270, и 271], наста год пришествия антихристовых явственных предотечь: егда уже и самому антихристови попущению святаго Бога приемлющу власть и силу над многими языки земными, тогда в царьствующем великом граде Москве собрася собор вселенских патриархов [печатн. свиток соборный], а имянно: Паисий папа, и патриарх Александрийский, Макарий Антиохийский, и Иоасаф Московский. С ними же имеяху согласие, и прочии повсемественнии пастырие архиепископи, и епископи. архимандрити, и игумени, яко же российстии, тако и других стран наместнии отцы. Они на богопротивном том соборищи, вси единомысленно древния святыя церкве, душеспасительная и благолепотная предания до конца отринуша, еже есть креститися двема перстома по преданию святых апостол, и святых отец, яко же священным тако и мирским людем отнюд не повелеша; в молитве Исусове в собрании общем именовати Сына Божия весма запретиша; на святой литургии пять хлебов а не седмь имети узакониша; печать же животворящаго креста на просвирах, с принадлежащею подписию евангельскою, неблагоумне отвергше уничтожиша; чрез предание святых и богоносных отец неблагочестивно пети аллилуия научиша; архиереом же и священником странно некако литерослагателне благословляти предаша; и другия многия новшества древнею церковию неизвестныя беззаконно внесоша; на содержателей же древняго благочестия кроме всякия вины благословныя престрашныя анафемы возложиша, и подтверждающе тыя клятвы соборным определением продерзостне сия глаголаша. Сие наше соборное повеление, и завещание, ко всем вышереченным чином православным предаем, и повелеваем всем неизменно хранити, и покарятися, святей восточней церкви [Соборный свиток, лист 7 обор.]: Аще же кто не послушает повелеваемых от нас и не покорится святей восточней церкви, и сему освященному собору, или начнет прекословити, и противлятися нам, и мы таковаго противника, данною нам властию, от всесвятаго и животворящаго Духа, аще будет от освященнаго чина, извергаем, и обнажаем его всякаго священнодействия, и благодати, и проклятию предаем. аще же от мирскаго чина, отлучаем, и чюжда сотворяем, Отца и Сына и Святаго Духа; и проклятию, и анафеме предаем, яко еретика и непокорника, и от православнаго всесочленения, и от стада, и от церкве Божия отсекаем, яко гнил и непотребен уд. дондеже вразумится, и возвратится в правду покаянием. аще ли кто не вразумится, и не возвратится в правду покаянием, и пребудет в упрямстве своем до скончания своего. да будет и по смерти отлучен, и непрощен и часть его, и душа, со Июдою предателем, и с распеншими Христа жидовы: и со Арием, и с прочими, проклятыми еретиками. железо, камение, и древеса да разрушатся, и да растлятся, а той да будет не разрешен, и не разрушен яко тимпан во веки веков аминь.

Таже соборное то определение запечатлевающе руками своими назнаменаша и место в нем же собор той бысть. И число лет когда совершися. Тако изрекоша: Сие наше соборное узаконение [свиток] и изречение подписахом, и утвердихом нашими руками: и положихом в дому Пресвятыя Богородицы, честнаго и славнаго Ея успения, в патриархии, богохранимаго царьствующаго великаго града Москвы. и всея России, в вечное утверждение. в присное воспоминание: в лето от сотворения мира, 7175. от воплощения же Бога Слова 1667, индикта, 5. месяца маия в 13 день.

После сего генеральнаго собрания, пастырие российския церкве, показующе свою ревность к нечестию, яко к благочестию, начаша еще сочинять различныя книги на истребление старожитности, в них же новая своя предания и учения подтверждающе, древняя же вконец испровергающе. Столько ересей в книжищах тех насеяли, что и исчислить весма трудно есть. И тыя ереси раплодившися с самым началом отступления, толикия в российском народе причинили бедствия, каковых больше быть не надобно, и аще б кто от прозорливых и художных мужей поистязать восхотел бы, вся тех крыющаяся внутрь сердец безбожныя мнения, то мню, что не сыскал бы он болше [вящше] того зла и в самых тех духах сверженных с небес от Бога за высокомерие и гордость безумную. Нецыи бо из сих, последних благочестия отступников [кто бы они таковии ни были, римляне, или россиане], в таковое приидоша дерзнутие, яко же некто сказует об них во своей апологии [книжице]: что не признают никакого промысла в свете от верховнаго Правителя; а иные хотя Его и признают, однако говорят что будто Он нимало не обращается около благочестия, или веры евангелием утвержденныя [выпечатана в сенатской типографии 1765 года. на атеистов и натуралистов]. Другия же мечтают яко бы нет настоящей ни лжи, ни истинны, но все от мнения и узаконения человеческаго зависит; и нет де ничего добраго и худаго; нет праведнаго ни неправеднаго, и потому ни в чем нет никакой подлинной истинны; но все по своему узаконению и обычаю люди делают. Всякая де речь, другой подобной речи какое нибудь имеет противословие, и об одном деле между двумя спорщиками равносилныя выискиваются доказательства. Иные паки говорят, что истинна в Демокритовом сокрыта кладезе, и ничего о сем роду человеческому не открыл Бог. Иные вопреки: открыл де Бог, но неизвестно где оное откровение. Иные точно сказывают, что Бог открыл истинну в писаниих, но весма темно, так что ни единой ереси не было которая б не из священнаго писания брала себе доказательства. Иные утверждают, что Богу больше приятен мир и тишина, нежели истинна. А другия так худо думают, что и говорить о том страшно есть: будто бы благочестие некоторыми людьми для того выдумано, чтобы тем простой народ удержать в своей должности, хотя и сами де выдумщики больше ни чему не верили, как только что есть некто Бог. И сие глаголют они о Аврааме, о Моисее и о Христе: начальниках благозакония. Прочая тех злоумышления помолчю и слезами потру: не некако простым сим сказанием восколеблются разумы ваша о Христе, и ослабеют силы душевныя от таких повестей губящих в сердцах ваших крепость благочестия, ибо самому мне таковая от них пострадати некогда случися. В прошлом, 1767 году, спознался было я с некоторыми школярами, кои во учении богословском весма довольно успели суть, и упражнялся с ними немалое время в духовных разглагольствиях, между коими разговорами такия трафилось мне слышать от ученых тех голов страшныя и соблазнителныя речи, что воистинну не солгу вам о себе сказать; аще б не скоро от них ускользнул распряжением дружества, то б погибл во веки, от таимичнаго тех подсеяния. А какия именно от них слышал я слова, о том вскоре узнаете. В разговорах тех когда была у нас речь о церковных преданиях, и о других случаех бывших в древния времена в кафолической церкви, которое бытие доказывал я от правил апостольских, и соборных, от Четь миней, и от Прологов и других книг церковных. На те мои предложения и доводы ответствовали мне они следующим образом: много де таких пустошей и безделиц напечатано есть в церковных тех книгах; да и самых апостольских и соборных правилах немало пустых бредней находится, и мы де все то кроме священной библии почитаем за выдумки и человеческия предания. И ежели бы пожелал ты с нами более разговаривать, то б показали мы тебе и в самой священной библии много таких мест недостойных приятия: ибо и там есть такия апокрифы которые отнюд не принадлежат до богодухновенных писаний. И других сему подобных соблазнителных слов, весма много они мне тогда говорили, чево прежде и на ум мне не прихаживало. А ныне напоминается одним словом сказать; я почти все тоже самое нашел в них, что и в лютерокалвинских списаниях имеется: не признают они никаких мытарств воздушных, ни рек огненных ни езер, ни тартара студенаго, яже Бог сотвори в наказание грешником. А о воскресении мертвых, и о будущем суде, и о безконечном царствии чють ли они не тоже мудрствуют, что Ориген проклятый в книгах своих баснословит. И сие предложил я вам о нынешних философах и богословах, что они думают, а теперь так же хотя кратко перескажу вам что они делают.

Самые престолов апостольских наместницы, и Христова смирения подражатели, и учения Его божественнаго преемницы, когда изволят путешествовать до храма Божия к священнослужению, тут доказывают они себя людьми духовными, царствия небеснаго проповедниками, и безвещественнаго жития учителями. Едет он в преогромной карете в самом тучном виде, в сияющем благолепии, от персей его сыплются блистательныя искры, ибо достоинства его знак весь осыпан брилиантами [сие о панагии разумей]. К колеснице припряжен шестероконный цуг великаго удивления: перед ним то вершники скачут, то жезлоносцы предваряют, то кучары кричат: о великаго смиреномудрия; о апостольскаго достоинства; о несказаннаго нравоучения. Есть ли что более сего казательства для учителевой особы; можно ли изобрести ин сличнее сего образ к начертанию истиннаго пастыря. Что же когда он внидет в храм Господень, какая тут ему бывает преужасная стреча. Не успеет он еще переступить ногою за праг церковный, то учрежденный на то хор пиитов вдруг как воскликнут великими голосами, с разным тересканием, то кажется что и место тое от своих оснований восколеблется. И такой то шум празднующих чрез всю церковную службу совершается. О великаго хвалословия, о достойнаго богопочтения; здесь то сердце сокрушенное; здесь то дух умиления по Бозе. Церковная песнь во устах и увеселительная табака в ноздрях; что за благоухание, что за забава; на что тут кадило, на что ладан и без тово много хорошева запаху; то сикерою, то табакою, то другими приправами. О церковь Божия, о храм священный; колико имеешь ты внутрь себе пресмрадливых козлов святыню твою оскверняющих. Сия то воистинну, сия мерзость запустения, стоящая на месте святе [зде глаголю о мерзости моралным смыслом по обыкновению писать]; о ней же некогда предрече пророк Даниил, и во евангелии Христос напоминает. Но чтоб слово сие, о мерзости запустения, не причинило в сердцах ваших каковаго либо сомнения, то за благо разсудил я кратко зде показать вам что то есть такое во святом писании именословится мерзость запустения.

Мерзость запустения по великому Афанасию истиее глаголется [Бароний Кесарь, лето Господне 355, лист 270 на обор.], егда властелин мирский епископским судам председит. По святому же Златоусту, мерзость толкуется [Катихизис старопечатный Велик. глава 4], воинство антихристово раззоряющее церковь Божию. По Зизаниеву же разумению [тамо же], и всякая нечестивая ересь мерзостию запустения глаголется. Во историях же церковных, на многих местех [зри в четь мин. в житии Евсевия Самосатскаго июнь 22, Стефана Новаго ноябрь 28. и в проч.], неправославнии епископи в церквах святых заседающии, мерзостию запустения именуется. А святый Феофилакт на зачало 65, от Марка евангелиста, мерзость запустения глаголет быти всякое разумение сатанинское, стоящее на месте святе, нашем разуме. Наконец, еще возмем мы в пример о мерзости сей от видения бывшаго великому Антонию, о чем в житии его Афанасий Александрийский сице повествует [Четь мин. генв. 17 день]: Единою посреде братии седящу, рече Антониеви, и делающу; бысть во иступлении, и прилежно взирая на небо воздыхаше, и со умилением преклоняше колени на землю, и плакаше надолзе; трепетни же бяху сущии с ним, и молением прилежным ему стужаху, да повесть им что видит: он же постенав вельми, глаголя; лучьше бы чада умрети, прежде даже имуще зло постигнет. паки им молящим его прослезився рече; имать быти неисповедимое церкви Христовой озлобление, вера кафолическая предастся человеком подобным скотом безсловесным. видех бо олтарь Господень исполняемый мсков множеством, иже святый престол обступивше сущая на нем свирепо испровергоша, разсыпаша, и попраша, и слышах глас глаголющь; о мерзость олтарь Мой. сия есть вина воздыхания Моего и плача. то преподобнаго видение сбысться по дву летех. ибо воста арианьское гонение люто, церкви быша разграблены, сосуды божественныя обругашася, скверныя языческия руки тайны святыя оскверниша. тогда нечестивых соборища на Христа устремишася, понуждающе правоверных с восприятием ветвий к церкви ходити. обычай бо бе во Александрии идолопоклонником с ветвиями финиковыми входити во своя капища: их же ариане в помощь противу правоверных призвавше, подобяхуся им, тако же с ветвиями к церкви своей ходяще, согласившеся бо с ними на погубление правоверия християньскаго, последоваху обычаем друг другу, ариане языком, а языцы арианом, принуждаеми убо и правовернии бяху к таковому же нечестивому обычаю да с арианы вменятся. о ужасти неисповедимыя. о дела пребеззаконнаго: девы и жены обруганы быша, крови православных в церкви разлияна, престолы ороси. [дозде]. Жен благоверных сосца в великих ковчезех покровом пригнетше, нуждею исторгаше, а инем ножами отрезовати повелеваху [Мин. чет. в житии Павла Исповед. нояб. 6 день], инем уста железы отверзше, нуждею причастие влагаху. инем же носы и уши отрезоваху, и огнем печатлеваху. и что ариане не творят. на путех стражей имеют, блюдут тех, иже исходят и входят во град, кущ ищут, по пустыням ходят, домы пресматривают, братию биют [Бароний Кесарь, лето Господне 356, лист 254. Послание Велик. Афанасия]. но слава Богу, ибо егда сие творят, мерзостнейше всем творятся: и познают людие истино, яко суть раби антихристовы [дозде Бароний].

Зде яве во святых книгах объявлены суть виды мерзостей [книга Кирилова. знамение 6, лист 32], ими же скверняху храмы своя сынове неприязненнии. Отчего неблазненно долженствуем познавать: яко вси еретицы жертвенников не имут, и егда в церквах христианских пребудут, разоряют, и извергают и олтаря фисиастирия, сиречь жертвенник, и жертвы животнаго хлеба не закалают. и хлеба незлобиваго Агньца пречистаго тела, и вина честныя крове Христовы, в жертву не приносят, токмо во олтари на месте священия мерзость запустения, подобну трупу поставляют. и сие сказа нам премудрый учитель восточныя церкве Стефан Зизаний.

Мы же вся сия собравше воедино, како не можем глаголати в нынешних церквах стоящия на месте святе мерзостию запустения [Иезекииль гл. 22, ст. 26, и гл. 44, ст. 23]; егда пастырие российстии между святым и скверным, между чистым и нечистым не ведят разньствия, и разделения. Идеже бо в храмех их предстоят просвещенныя верою, ту и оскверненныя еретичеством, и амо же поют песнь божественныя, тамо же приглашают и гудения сатанинская, и идеже поставляются святыя древния и чюдотворныя иконы, ту же и нелепыя под именем ангелов нагия купидоны. Несть ли се мерзость запустения: егда приходят они в храм Господень причаститися Иисусовой плоти, то для вящшаго у них благоговения к Богу епископи и попове и диакони подстригают у себя усы и поддиакони и дьячки, и пономари вычищают бороды, велможныя люди, кто что любит, иной в парике, иной в путре, и в разном виде одежд с немецких манеров; женьщины откровенными главами и обнаженною грудью; купцы подъячие и адвокаты тому же следуя, пересыпавши своя волосы мукою, и с подбритою бородою, туды же спешат, и тащатся. О великаго благоговения, о неприкладнаго усердия; наипаче же рещи: о мерзскаго и гнуснаго образа; сие ли не мерзость запустения сие ли не прелесть диавольская и область темная богопротивника антихриста. Тако ли подобает истинному христианину украшать себе и приступать к Божественному общению; ей не тако. Прочия их соблазны и прелести и студодейства, яже в церквах святых содеваются, прехожу молчанием. Не говорю зде о бесчинных их воплях, о продерзостных кощунствах, о безсрамных смехах, о студных поклонах и о демоноговейных крестах; и о самом том употреблении богомерзския табаки, яко же в церквах, тако и во олтарях святых, ею же оскверняют и самая места та, идеже совершается безкровная жертва Иисус Христова.

На сем месте подобало б еще глаголати мне вам о богомерских их играх и забавах, и сатанинских сборищах, идеже совершаются у них блудныя маскарады, театралныя мечты и мужеженьския франкмасонов ложы; но сего глаголати и писати отнюд невозможно. Тайныя же дела их открыть и неудобнее: того ради со святым апостолом Павлом согласуясь [Ефесеом гл. 5, ст. 12], оставляю тая глаголати, еже срамно есть целомудренному слуху слышати. А будем мы смотрить на дела их по пророческому писанию, ветхозаконныя бо книги по онаго же верховнаго апостола гласу [Рим. гл. 15, ст. 4, Коринф. гл. 10, ст. 11] преднаписаны быша в научение и наказание наше, в них же концы век достигоша. Но чтоб чин и порядок с прежним положением не был мною потерян, то за благо разсудил я прежде описать злобу лжеучителей их, а потом дела ученическия тем же путем нечестия идущим в погибель адову. И о сем пророк Иеремия от лица Божия явственно открывает нам глаголя [Иеремия гл. 5, ст. 1]: ужас рече, и страшная содеяшася на земли, пророцы пророчествоваша неправедная, и священницы восплескаша руками своими, и людие мои возлюбиша таковая, и что сотворите в последняя си. И паки той же [гл. 6, ст. 13]: понеже от меньшаго и даже до болшаго вси совершиша беззаконная, от священника, и даже до пророка, вси сотвориша ложная, и целяху сотрение людей Моих, уничтожающе и глаголюще [ст. 14]: мир, мир и где есть, мир, пророк бо и священник осквернены суть, и в дому Моем обретох лукавство их [гл. 23, ст. 11]. И паки негде ин пророк глаголет [Библия старопечат, Иезекииль гл. 22, ст. 26]: жерцы отвергошася закона Моего, и оскверниша святыя Моя между святым и скверным не разлучаху, и между нечистым и чистым не разделяху, и паки пророк Иеремия [гл. 10, ст. 25]: понеже обуяша пастыри, и Господа не взыскаша, сего ради не уразуме все стадо, и расточено бысть. И еще той же [гл. 12, ст. 10]: пастырие мнози растлиша виноград Мой, оскверниша часть Мою, даша часть желаемую Мою в пустыню непроходную, положиша в потребление пагубы [ст. 11]; яко ни един есть, иже размышляет сердцем. И у пророка Даниила во главе 13 глаголется: яко изыде беззаконие из Вавилона, от старец судей, иже мняхуся управляти люди Моя. И паки инде повторяя слово свое Господь Бог к пастырем израилевым сице глаголаше [Иезекииль гл. 34, ст. 3]: оле пастыри израилевы, еда пасут пастыри самих себе; не овец ли пасут пастыри; се млеко ядите, и волною одеваетеся, и тучное закалаете, а овец Моих не пасете, изнемогшаго не уврачевасте, и сокрушеннаго не обязасте, и заблуждающаго не обратисте, и погибшаго не взыскасте, и крепкое оскорбисте трудом, и властию наказасте я и руганием, и разсыпашася овцы Моя, понеже не имяху пастырей, и быша на изъядение всем зверем селным, и расточишася овцы Моя по всем горам, и заблудиша по всем холмам высоким, и на лице всея земли разсыпашася овцы Моя, и не бе взыскующаго, ни обращающаго [ниже]. сего ради, Аз упасу овцы Моя, и Аз упокою я, и уразумеют, яко Аз есмь Господь: сия глаголет Адонай Господь: погибшее взыщу, и заблудившее обращу, и сокрушенное обяжу, и немощное укреплю, и крепкое снабдю, и спасу овцы Моя, и к тому не будут на разграбление, и разсужду, между овчатем, и овчатем, и между овном и овном, и воставлю им пастыря единаго, и упасет я, и той упокоит я, и будет им пастырь. Дозде словеса Господня о пастырех израилевых.

Пойдем же отсюду еще ко пророком и вопросим я, что речет ими Господь Саваоф о всех князех и старейшинах иудовых, и о всех людех обоего пола живущих во Иеросалиме на них же наречено бысть. Обыдите, глаголет пророк Иеремия [Иеремия гл. 5, ст. 1], обыдите пути Иеросалимския и возрите, и познайте, и поищите на стогнах его, аще обрящете мужа творящаго суд, и ищущему веры, и милосерд буду ему, глаголет Господь, о граде лживый, всякое насильство в нем; утыша, и утолстеша и преступиша словеса Моя злейшии [гл. 6, ст. 6, гл. 5, ст. 28]: прю вдовицы не судиша, суда сира не управиша, и суда убогим не судиша, сынове буи суть и безумнии, мудри суть, еже творити злая, благо же творити не познаша. кони же но неистовни сотворишася [гл. 4, ст. 22; гл. 5, ст. 8; гл. 9, ст. 3]. кийждо к жене искренняго своего ржаше, и налякоша язык свой яко лук; лож и неверство укрепишася на земли, ибо от злых во злая произыдоша, стрела уязвляющая язык их [гл. 9 ст. 8], лстиви глаголы уст их приятелю своему глаголет мирная, внутрь же себе имеет вражду. Тожде и пророк Исаия, от лица Божия поношая им глаголаше [гл. 1, ст. 2]: слыши небо, и внуши земле, яко Господь возглагола: сыны родих и возвысих, тии же отвергошася Мене; позна вол стяжавшаго и, и осел ясли господина своего, израиль же Мене не позна, и людие Мои не разумеша, увы язык грешный, людие исполнени грехов, семя лукавое, сынове беззаконий, остависте Господа, и разгневасте Святаго израилева; отвратистеся вспять. что еще уязвляетеся, прилагающе беззаконие; всякая глава в болезнь, и всякое сердце в печаль, от ног даже до главы, несть в нем целости: ни струп ни язва, ни рана палящаяся; несть пластыря приложити, ниже елея, ниже обязания [Исаия гл. 57, ст. 1]; видите како праведный погибе, и никтоже не приемлет сердцем, и мужие праведнии вземлются, и никтоже разумеет: от лица бо неправды взяся праведный. и истина взяся и преставиша ум свой еже смыслити [гл. 59, ст. 15]. и виде Господь, и негодова, яко не бяше суда, и виде и не бяше мужа, и помысли и не бяше избавляющаго. нозе бо их на зло текут [гл. 59, ст. 7]; скори пролияти кровь, и мысли их, мысли о убийствах; сокрушение и бедность в путех их, и пути мирнаго не познаша, и несть суда в путех их, стези бо их развращены, по них же ходят, и не ведят мира. вси ослепоша не разумеша смыслити [гл. 56, ст. 10]. вси пси немии не возмогут лаяти. видяще сны на ложи любяще дремати, и пси безстуднии душею не ведяще сытости, и суть лукавии не ведяще смысла. вси путем своим последоваша: кийждо уклонишася в лихоимство свое, от перваго и до последняго. приидите да возмем вино, и наполнимся пиянства, и будет яко днесь тако и заутра, и много множае [гл. 28, ст. 7], и прельстишася сикеры ради, жрец и пророк изступиша ума от сикеры. пожерты быша вином, потрясошася от пиянства, и прельстишася. И другий некто [Мих. гл. 7, ст. 2]: у люте душе, яко погибе благочестивый [благоговейный] от земли. и исправляющаго в человецех несть. вси в кровех прятся, кийждо ближняго своего озлобляет озлоблением. на зло руки своя уготовляют [гл . 2 ст. 1]: быша помышляюще труды, и делающе злая на ложах своих. и купно со днем совершаху тая, понеже не воздвигоша к Богу рук своих, и желаху сел, и грабляху сирот, и домы отъимаху, и росхищаху мужа и дом его, и мужа и наследие его. И ин паки [Осия гл. 4, ст. 11]: блуд и вино, и пиянство прият людей Моих, и людие смышляющии со блудницею сплетахуся. яко дух блужения есть в них, и Господа не уведеша. Пророк же Иеремия яко к лицу обращая слово свое, ко граду тому блудному, и весь дом иудов обличая в беззаконии сице глаголет [Иеремия гл. 3, ст. 2]: воздвигни очи твои на правоту, и виждь, где не смесилася еси; на путех сидела еси аки врана особящаяся и осквернила еси землю в любодеяниих, и в лукавствех твоих, и имела еси пастырей многих в претыкание себе, лице жены блудницы бысть тебе, не хотела еси постыдетися ко всем, и аще умыешися нитром и умножиши себе травы борифовы, порочен еси в беззакониих твоих предо Мною, рече Господь Бог [гл. 2, ст. 22].

Сия словеса яже рекохом вам, суть словеса Божия, а не человеческа. Того ради потщитеся всеми силами иметь тая в памяти и во уме вашем не заглаждаема. От чего вскоре просветитеся, и уразумеете, что есть воля Божия, благая и совершенная, и на коей стране истинна Божия с принадлежащими ей совершенствами обитает. Идеже бо господьствует правда, милость и суд, с боголюбезною верою, ту и Господь пребывает во веки. А идеже Господь, ту и благодать Его виет тонким хладом, яко же при Илии бысть [3 Царств гл. 19, ст. 13]. а идеже благодать; ту и оправдание наше, и освящение, о отпущение грехов [Требник старопечат. Иосиф. лист 672 на обор.]. А идеже неотступно держатся своих обычаев, и сластем плотьским паче работати хотят, неже Господеви, и евангельскаго жития не приемлют, ни едино нам обще к ним слово, мы бо о людех непокоривых и прекословных научихомся слышати [Бытия гл. 19, ст. 17; Пролог нояб. 16. ниже.]: спасая спаси свою душю, блюдуще да не погубим себе, неисправленным приобщающася. На что и имеюще в послушество наказания, от премудрых старец наших, советующих нам со строптивыми не смешатися [псалом 17. ст. 27]: да не развратившеся от них, и сами таяжде постраждем. Рече бо некий старец [Патерик Иеросалим. слово 10]: подобает бегати от всех творящих беззакония, аще и любими, и южики суть, аще и саны иерейския и царьския имут, отвращение бо от творящих беззаконие, возлюбление и дерзновение нам к Богу ходатаит. И паки той же: не полезно бо есть, рече со беззаконными совокуплятися, ни в церкви, ни на купли, ни в совете, ни на судищи, ни мало николиже, нигдеже. подобает же доконца беззаконных совокупления отлучатися. И другий некто глаголет [Зерцало мирозрит. часть 2, гл. 27, лист 189]: яко же губительства подобает бегати злых. егда бо кто видит лукавое, удобь ему последует. И ин паки [Апокалипсис толк. киевск., лист, 86]: бегати бо требе есть пребывания и жития от огорчающих Бога. К сему же принадлежат и оныя божественныя глаголы, их же часто Господь Бог усты Моисея угодника своего, к людем израильтеским возглашал, и святым апостолом Павлом. паки таяжде повторяя глаголаше [5 книга Моисея, гл. 17, ст. 12; гл. 19, ст. 19; гл. 21, ст. 21; 1 Кор. гл. 5, ст. 2, 6, и 13]: измите злаго от вас самих, мал бо квас все смешение квасит. И великий Василий О постничестве, во главе 259, таяжде подтверждая, сице глаголаше [книга О постничестве, лист 243]: апостолу рекшу, отлучатися вам от всякаго брата безчинно ходящаго, а не по преданию еже прияша от нас, отнюд всяко приобщение всякому, отнюд всякия вещи по уму же и слову, и деянию пакостно есть и бедно. елика же есть от иже к согрешающим приобщения пакость представляет. той же апостол о таковой вещи рек; мал квас все смешение квасит, аще же от иже во обычайных согрешающих такова есть пакость; что подобает глаголати. от иже о бозе злословящих, их же злословие ниже во инех здравствовати оставляет [дозде Василий].

И о сем убо прекративше зде слово имемся паки за предлежащее.

Труд вашего приседения, а моего к вам разглагольствия я мню единьственно в том состоит наипаче, как бы можно было существеннее дознаться вам, на которой ныне стране истинна обретается, и каким бы образом удобнее могли мы спасти себя без видимаго священства, и евхаристии: то сие подобает вызнавати от исполнения времен, и от самаго искуства вещей. О чем блаженный и премудрый муж Андрей Кесарийский, сице тайнословствует время, рече [Апоскалипсис толк. киевск. печат. лист 62], открыет и искус целомудрствующим и бодрствующим. И паки той же [лист 45]: запечатленная бо и сокровенная словеса, самым искуством, и вещей сбытием истолкуются.

Что уже мы отчасти о соблазнах мира сего, и о превращении язык на различныя богомерзския ереси и открыли вам; ибо по общему нашему понятию, настоят днесь самая та времена и лета, о них же Дух Святый устнами божественных пророк, и богодухновенных мужей сия предрек нам [Исаия гл. 1, ст. 8; о скончании мира и о антихристе]; яко оставлена будет дщи Сионя, яко сень в винограде, и яко град обстоим. И сие пророчество сказует святый Ипполит, не о июдеох, ниже о граде Сионе, но о святей церкви. Сион же церковь, юже от язык приведшуся невесту вси пророцы показаша. И паки той же, на последняя дни сия, от святых пророков снискав разум предсказует следующему быти: во дни оны наведет Господь ветр жгущь от пустыни на ня, и изсушит жилы ея, и опустит источники ея: и вси тоя сосуди вожделеннии потребятся, яко сопротивишася Богови, ниже пастырие бо яко же волцы будут, а священницы лжу возлюбят, иноцы черноризцы мирьская вжелеют, богатии немилосердием одеются: князи убогому не имут помощи: силнии щедроты отложат, судии праведное от праведнаго возмут. и мздами ослепляеми, неправду приторгнут, церкви Божии яко же простии храми будут [выше], и развращения церковная всюду будут, а вражия песни всюду будут петы, блудове и прелюбодейства и клятвы землю исполнят, отравы и чародейства и басни доконца во мнящихся христанех будут, навыкни возлюбленне иже тогда человеком лукавство [выше], како восхищают домы и села, и праведное от неправеднаго отъемлюще. егда бо сия будут [ниже], да веси яко кончина есть. восплачется море и воздух, восплачется солнце и луна, восплачется тогда и дивия животная, со птицами, восплачются горы и холми, и древеса полская, человеческаго ради рода, яко вси уклонишася от Бога, и лестьцу вероваша, приемше начертание сквернаго богоборца, вместо животворящаго креста Спасова. восплачютжеся и церкви Божия плачем велиим, зане ни приношение, ниже служба богоугодная, священныя бо церкви яко овощное хранилище будут, и честное тело и кровь Христова во днех онех не имать явитися. служба угаснет, чтение писаний не услышится. но тма будет на человецех, и прочая. Пророчество сие подтверждает и святый Ефрем Сирин следующими словами [Слово 105, о антихристе, лист 304 на обор.]: восплачются тогда церкви Христовы вся плачем великим, зане не будет службы святыя во олтарех ни приношения. Премудрый же Стефан Зизаний, от толкования божественнаго Златоуста, и сие приложил есть [Кирилова старопеч. кн., знамение 6, лист 32]: яко антихрист прежде пришествия своего учинит, яже везде жертвенники, и истинную жертву истребит, и кумир свой, на святом месте поставит. и сицевое мерзостное запустение [глаголет он] посланнии от него лжепророцы уже начинают; и от того познаваем яко уже близ есть, день Господьский [дозде].

Сими всеми предъизвестившеся, отчего неблазнено познати можем, яко уже совершишася вся тая писания днесь во очию нашею, и яко ино ничтоже остается нам мыслити, разве тое, что божественный Златоуст в слове о скончании мира беседуя сказует, яко во время оно пастыри волцы будут, татие, и разбойницы, и прелестники. А на конец присоединил есть сие ко утешению нашему, что к взысканию сему толико принадлежно есть, елико и самая нужда времене требует, яко же бо вы ныне нас, тако нецыи тогда божественнаго Златоуста потязали [Маргарит старопечат. слово 13, лист 553 обор.]; сими предложениями возвестил еси нам, глаголюще, страшная лютая, и жестокая рцы и радостотворная; покажи нам прочеее спасения образы, даждь язвам исцеления: се спастися хощу, что сотворю како спасуся, и кий восприиму образ. и к кому прибегну, много бо согреших, и делом, и словом, и умом. тем же что сотворю; како спасуся. Он же на вопрос их учинил такой прерадостной и премудрой ответ, каковаго и мы требуем вси, чающе избавления нашего, и примирения с Богом, чрез таковое посредьствие. Златоуст: аз повем вам, рече, к кому прибегати: блаженный Давыд показа к кому прибегати [Псалом 45, ст. 1], рече, Бог нам прибежище и сила и помощник в скорбех обретших ны зело. сего показа Иоанн болший всех пророк, глаголя [Иоанн гл. 1, ст. 29]; се Агнец Божий вземляй грехи всего мира. сего благовести ангел глаголя праведному Иосифу [Мф. гл. 1, ст. 21]; Той же спасет люди своя от грех их. и паки Давыд глаголет [Псалом 142, ст. 9]: Господи к Тебе прибегох. к Тому и ты прибегай возлюбленне. к рекшему [Мф. гл. 9, ст. 13]; не приидох призвати праведники. но грешники в покаяние. к глаголавшему [тамо же ст. 12; Мф. гл 4, ст 17]; не требуют здравии врача, но болящии. к глаголющему; покайтеся приближибося царство небесное. к рекшему [Мф. гл 11, ст. 28]; приидите ко Мне вси труждающиися и обременении, и Аз покою вы, к глаголющему [Мф. гл 9, ст. 6]; власть имать Сын Человеческий на земли оставляти грехи. к глаголющему [Ин. гл. 6, ст. 37]; приходящаго ко Мне не изжену вон. к глаголавшему пророком [Иезекииль гл. 33, ст. 11]: живу Аз глаголет Господь, яко не хощу смерти грешнику, но еже обратитися и живу быти ему. к глаголавшему [Лк. гл 15, ст. 7]; яко радость бывает на небеси, о едином грешнице кающемся. к тому и ты прибегни каяся, и плача. То Златоуст святый.

К сему можно приложить и других церковных учителей писания, таяжде утверждающих, о чем в книзе Кормчей во главе 69 сице есть напечатано. Вопрос [святаго Анастасия Синаита О различ. винах вопрос. Кормчая лист 629]: Аще во гресех состарехся человек, завещавает в молитве своей завет между собою и Богом глаголя; яко прости мя Владыко, яже согреших доселе и прочее не содею древних моих грех, ни обращуся к ним, но исповемся имени Твоему. аще сий завет сотворив к Богу человек, в малех днех умрет, что требе есть помышляти, о нем. Ответ. Приято бысть покаяние его от Бога, и в нем же обретеся, в том же и вчинен бысть: Се есть в спасение приидет покаяния ради, еже бо покаятися и отступити от греха в человеце есть; а еже многолетну быти, в Бозе есть. да человек убо обещався, яко чая многа лета быти в покаянии; Бог же проведый немощное, и удобь соблазненное, и удобь превратное наше к греху, того ради сотвори то. и яко же видит человека обращшася в покаяние, и абие поймет и от жития, и спасет и, проведый яко Бог, яко аще бы премедлил в мире, пакибыся к греху обратил: [дозде]. О том же в книзе правилной премудраго севаста Арменополя, и судии Фесалоницкаго, сице глаголется [книга 6, лист 830]. Вопрос. Аще не обрящу человека, к нему же имам исполноношение исповести, что долженьствую сотворити. Ответ. Исповеждься Богу особь, осуждая себе, и глаголя по подобию мытаря: Боже наш Ты веси, яко грешен есмь, и не достоин всякаго прощения, но спаси мя ради милости Твоея. Вопрос. Исповедаяся же Богу, помяну ли и исчислю всяк грех его же содеях. Ответ. Никако: наипаче аще телом и блудом согрешиши, велико бо хощеши помянути от сицу и он сицу, сквернится твоя душа, прочеее добро по подобию мытаря глаголати: Боже умилостився мне грешному.

Правила сии подтверждаются еще многими повестьми церковными, от них же зде хоша малая некая изреку вам на ползу спасения, что благоволите выслушать со усердием.

Повесть 1 [Пролог старопечат. месяца апреля в 1 день. слово о покаянии грешных, лист 176].

Блаженный отец наш Павел простый, ученик святаго отца Антония, поведаше вещь сию, яко некогда иде в монастырь посещения ради братии, и тии вхождаху в церковь по обычаю совершати пение. Блаженный же Павел видяще коегождо входяща в церковь какою душею ему от Бога, и како вси влазяху светлым лицем, и просвещенною душею, ангел же Господень с коимждо идяше радуяся. единаго же, рече, видех брата входяща черна душею, демоны же оба же полы идуща его, и мялицею за нос его емша, и между собою влекуща. Святый же ангел издалеча за ним последоваша. и се видев Павел печален бысть вельми, и рукама бияше в перси своя, седяше пред церковию плачася. они же видевше таковаго мужа скорбна вопрошаху и молящеся поведати видение: боящеся еда при чем зазрит всех, и моляху его на пение внити. и отрекся им Павел, седяше вне и плачася, и отпевше в церкви и всем исходящим, и виде Павел всех кацы внидоша. хотяше же паки разумети, кацы и изыдут. и видев того брата исходяща из церкве, всего бела душею, и светла лицем, демоны же далече по нем последующе, и святаго ангела близ его идуща, тиха и весела, радующеся о нем вельми. вскочив же Павел, благословяше Бога глаголя; о слава безчисленному человеколюбию Твоему, и благостыни Твоей неизреченней. и возшед на высокий степень, велиим гласом вопияше: приидите и видите дела Божия, яко дивна, и всякаго ужаса достойна; приидите и видите хотящаго всякому человеку спастися, и в разум истинный приити; приидите поклонимся и припадем Ему, и рцем: яко Ты можеши един отпущати грехи. вси же притекоша к нему, хотяще послушати глаголемых от него. и собравшимся всем, поведаше Павел явленное ему, прежде вхождения в церковь. и моляше мужа того поведати ему вину, ея же ради даде ему Бог толико преложение. обличен же быв человек той от Павла пред всеми, и не сумняся яже глаголаше о себе: аз убо есмь грешен человек, и вся лета живота моего в любодеянии изжих и доселе. и вшед ныне в церковь святую, слышах чтома великаго пророка Исаию, паче же Бога в нем глаголюща: измыйтеся и чисти будете, и отъимите лукавство от душ ваших пред очима Моима, научитеся добро творити, аще будут греси ваши оброщении, яко снег убелю Я; и аще, послушаете Мене, благая земная снесте. Аз же грешный умилихся душею, вельми воздохнув, и рех к Богу в помышлении, яко един еси Боже, пришедый на землю грешных спасти, яко же бо прежде пророком глаголя. се ныне делом скончай по мне грешнем и недостойнем. се бо отселе даю Ти слово обещаяся усты, и сердцем исповедаяся. яко не имам ктому того сотворити зла, но отметаюся всякаго беззакония, и поработаю Ти с чистою совестию, днесь убо Владыко приими мя кающагося, и отгребающагося от всякаго зла. и с сими рече мыслями изыдох из церкве, осудив душю мою ктому не сотворити греха пред очима Божиима. се же слышавше, вси единогласно возопиша, яко возвеличишася дела Твоя Господи, вся премудростию сотворил еси. да се разумеюще братие от святых книг Божияго откровения поколику имать Бог благостыню на прибегающих к нему всею мыслию с покаянием, и очищающим грехи своя. и воздает обещанная благая, не истязая о первых гресех. того ради не отчаемся своего спасения: ибо Исаием пророком обеща, очернившимся грехи измывати, и благая иеросалимова снести. и паки Иезекиилем с клятвою глаголет: живу Аз, яко не хощу смерти грешнику, но обращения животу.

Повесть 2[Пролог месяца генваря, 27 день, лист 691].

Муж некий от вельмож Константина града, имея веру велию к святому Иоанну Златоусту, и в болезнь впад, и повеле своим рабом нести себе в честный храм святых апостол, идеже есть цельбоносный гроб богоноснаго отца, Иоанна Златоустаго. принесену убо ему в таковой честный храм, и помолившуся со слезами, положен бысть на ложи, возлежащу убо ему и болящу, и призывающу святыя апостолы Христовы, и святаго отца нашего Иоанна Златоустаго, помиловати его в беде суща, прииде в память о содеянных им неподобных дел. и яко убо сия помышляше рыдая глаголаше: увы мне окаянну не покаявшуся. како иду путем от него же не возвращуся, и како претерплю прещение страшнаго Судии, и вечных немилующих мук. сия убо тому глаголющю, и множае сих и рыдающу. и яко бысть при шестом часе, всем отшедшим от честнаго храма, точию остав един болный, и возрев к верху того храма святаго, и видев Господа нашего Исуса Христа образ, начат к Нему глаголати сице: к Твоему образу Владыко, иже рукама человеческима бывшу, трепещу и боюся. како Ти страшнаго Судию, окаянный увижю, егда приидеши судити хотя всяческая; согреших Владыко прости мя, не сохраних Твоих повелений. сия убо тому глаголющу, начат исповедати грехи своя к святей иконе: и егда изглаголав вся. воспомянув же ин грех иже сотвори начат глаголати: сотворих Владыко, но не дерзну человеколюбче, не дерзну Милостиве. Си убо тому глаголющу, глас от святыя иконы прииде: глаголи человече. и яко сия изрече, прииде ин глас: оставляюттися грехи твои. сему убо страшному гласу изшедшу, воста здрав, и паде на лицы вопия велиим гласом. и благодарныя песни возсылаше Богу, не хотящу смерти грешнаго, но ожидающу обращения покаяния, и хотящу вся человеки спасти, и в разум истинный привести. и поклонився убо ко образу Спаса Христа, и цельбоносному гробу богоноснаго отца Иоанна Златоустаго, отъиде в дом. прочая же лета жизни сея целомудренно поживе.

Повесть 3[Пролог июля в 14 день, лист 655].

Поведаше некто от отец глаголя: яко в Селуни есть монастырь девическ. едина же от них от действа вражия поущена бысть отъити от монастыря, и шедши впаде в блуд, тако бо ю прельсти враг. и в то впадши, неколико лет сотвори блудящи, и помянувся к Богу, паки умом мысляше на покаяние. и пришедши к монастырю своему в нем же бе хотяше каятися, и падши пред враты и умре. и яви Бог единому епископу, смерть ея. и видя святыя ангелы пришедша и приемша душю ея, и бесы вслед их идуща и прящася с ними, святым ангелом глаголющим: нам работа толико лет, наша есть душа. долго же прящимся о том, и рекоша бесове, яко иде в монастырь в лености, да како глаголете покаялася есть. и отвещаша ангели глаголюще: понеже Бог видев разум ея на то уже преклоньшся, прия ея покаяние, да покаянием она владеяше, еже на ум наложи сие, животом же Владыка Бог владеет. и тако посрамишася беси отбегоша. того ради блюдущеся ходим и живем, не вемы бо в кий час смерть нас возмет.

И аще кто хощет более о сем ведати, той да прочтет 52 слово, в книзе преподобнаго отца Никона черныя горы. Такожде и другия отечники, и церковныя истории, и тамо обрящет премногия таковыя повести, яко бы в Пролозе церковнем имеющияся видели, и еще видети можем. Зрите месяца октября в 17 день, слово о разбойнице спасшемся малых ради слез, в десять дней, при Маврикии царе греческом; месяца декабря в 24 день, слово от патерика, о некоем мнисе, впадшем в тяжек грех, и прощен бысть покаяния ради без посредственника ж, от самаго Исуса Христа, Господа и Спаса нашего, с крайним благоутробием; тамо же месяца декабря в 29 день, повесть весма дивная, и к взысканию нашему потребная, преподобнаго Нифонта: како виде он душу грешнаго прощену бывшу ради малаго покаяния при смерти, и вознесену на небеса ангелами, и о том смотри должно ищущему таковая в самых Прологах церковных:

От жития преподобнаго Нифонта.

Григорий рече, да еще вопрошю тя отче повеждь ми, есть ли по всей земли святии Божии человецы, иже в добродетелех сияюща имениты, яко же Антоний Великий, Иларион, и Павел препростый, и инии мнози, яже Бог весть явленныя и сокровенныя. отвеща блаженный: до скончания века не оскудеют святии чадо, но обаче в последняя лета скрыются от человек, и богоугодне подвигнутся во смиреномудрии велице, и вышше первых чюдоносных отец явятся во царствии небесном. понеже тогда не будет никогоже пред очима их творящии чудес, но тако человецы собою восприимут усердие и страх Божий в сердцах своих. а иже тогда архиерейской чин предержащии, не искусни будут, не любящии премудрости и разума, но токмо многими селы к ловитвы рыбных обладающе, и инеми много корыстницы прибытками, тако же и иноцы подобни им будут, от обладания бо многаго и имения, и тщая и суетныя славы, безвести от них будет благочестие. то соблазна миру велие от них изыдет. любящии же Бога истинным сердцем, тии от них небрегоми будут, но паче сребролюбие царьствовати в них будет, да горе иноком любящим злато. не узрят лица Божия.

Мы же паки обращаемся, к предлежащему.

От извещения предложенных вещей не подумал бы кто об нас, яко бы отрицаем мы исповедати друг другу согрешения, по повелению апостольскому, ни, не буди сего. Но токмо от писаний святых показуем вам тое, что спасения нашего виновник есть сам Бог, иже может и непосредственно спасати нань уповающия, яко же глаголет Псаломник [псалом 27]: Господь утверждение людем своим, и защититель спасением Христа своего есть. Что и пророк Исаия подтверждает глаголя: не ходатай ниже ангел но сам Господь спасе я [Исаия гл. 63, ст. 9]. Сия пророческая словеса совершение имут на Господе нашем Исусе Христе, о Нем же святый апостол Павел в посланиях своих тако сказуяше [1 Тим. гл. 2, ст. 5]: един бо есть Бог, и един ходатай Богу и человеком? Человек Христос Исус, давый себе избавление за всех свидетельство времены своими, тем же и спасти может доконца приходящих Его ради к Богу [Евр. гл. 7, ст. 25], всегда жив сый, и ходатайствовати о них. А что же друг другу исповедати подобает согрешения наша, на то имеем повеление от святаго апостола Иякова. К тому же и благоревностный во благочестии муж Захарий Копистенский в книзе своей во главе, 36, завещевая сице предает: Слыши, рече, о исповеди, иже грехи не толико учинены, или мысли, тако же и страсти, и все воли свои, против отцев святых восточных науки надобно конечне исповедати и познавати пред епископами, и священниками, которыя от них благословение будут имети, и койждо грех подробно притчины его объявляти, и повинны исповедати, и для памяти. а кто не исповедует и исповедь гонит, и оставляет таковый грешит на смерть, и избавление тратит, и церковному наказанию пристоит. и коли час имеешь учащай до исповеди, и не обленися трудитися. и однако в той мере и разсуждение есть у отцов святых, а особливо подчас пригоды, и в недостатку презвитеров православных. и подчас препоследования нынешняго на нас роков, и от папежников, и от тех которыя с ними заодно мудрствуют, тако же и в странах далних, в которых православных иереов недостало будущим тогда, до латинских князей и до панов с папежи римскими, и верующими. аще же сих призывания несть всем избавления рече пред оными исповедати. Первая наука пред разумными и умелыми, убо иродиаконы, или мнихом, или такоже и пред простым человеком. яко же Ияков апостол глаголет, во главе 5. и учит исповедати друг другу грехи, и молитися друг за друга, яко да исцелеете. и Павел, друг другу тяготы носите, и тако исполните закон Христов. и нижше того паки подтверждая глаголет: по свидетельству даже и простым и разумным исповедание грехов имеют приимати, есть ли же и таковаго христианину в припадку своем чается имети не будет, тогда пред самем Богом Творцем своим всех грехов своих исповедатися имеет, собравши их на память, и горко яко Петр апостол плакати, и жалостно от сердца каятися имеет. молящися сокрушенным сердцем прикладом онаго мытаря, биющеся в перси, глаголюще. Боже милостив буди мне грешному, такожде прикладом онаго разбойника. Дозде Захарий Копистенский.

Таяжде убо в книзе именуемой Хрисмологион во главе, 5, законополагается сице: прегрешения наша, или пред Богом, или пред священником, или ближнему исповедуем.

Можно бы на сие приискать еще и примерныя случаи, яко же и от непосредственной к Богу исповеди показахом, но вашего требования о сем не было, того ради и мы сокращеннее беседоваше на прочая восходим обыскания. И будем теперь решать самыя те предложения, в них же требование ваше было в следующем.

Может ли быть истинное христианство без священства видимаго, и можно ли спастися без святой Евхаристии.

Сии предложения будем мы решать не собою, ниже вымышленными силогисмами; но готовыми святоотеческими и церковными писании. О чем так же прошу с наиприлежнейшим вниманием выслушать, и подвергнуть сердце ваше в покорение слову Божию.

Божественный Златоуст, истолкователь священных апостольских посланий, в 34 беседе ко евреом разсуждая словеса сия; еже, повинуйтеся наставником вашим и покаряйтеся, тако глаголет [Беседы старопечат. лист 3113]: Зло убо есть везде безначалие, и многих бед вина, и начало безчиния и слияния: наипаче же в церкви толико не твердое есть, елико и начала вящшее и высочайшее, яко же бо аще лика верховнаго отъимеши не будет лик по песни, и по чину. и аще от полка воиньству воеводу отставиши, не к тому правлением и чином яже ополчения будут. и от корабля кормчию аще отъимеши, погрузиши корабль. тако и от стада пастыря аще отставиши, вся развратил еси и погубил. зло убо есть безначалие, и возмущению вина. злое же не мнее, и неповиновение начинаемых. тожде бо бывает паки. людие бо князю не повинующеся, подобни суть не имущему, негли же и горшии. тамо убо и прощение имут о безчинии, зде же не к тому, но и мучими бывают, но негли речет кто нам; яко есть и третие зло, еда началник будет зол, вем и я, яко не мало сие злое, но и безначалия много злейшее; лучше бо есть ни от единаго же водиму быти, нежели от злаго водиму быти, той бо многажды убо спасеся, многажды же и беду подъят. сей же всячески беду приимет, в яму ведом сый, како убо Павел глаголет: повинуйтеся наставником вашим и покаряйтеся, что убо, рече егда зол будет, повинуемся ли. зол, како глаголеши, аще убо, веры ради, бегай его, и отрицайся, не точию аще человек бы был, но аще и ангел с небесе сшедый; аще же жития ради, не испытуй. [дозде Златоуст].

Сие божественнаго Златоуста разсуждение подтверждается и другими церковными учители, о чем святый Афанасий Великий, и пастырь Александрийския церкве сице благовествует [книга Никона Черныя горы, слово 7, лист 53(48?)]: Шествующе же непрелестный и живоносный путь око убо, да извержем не чювственное, но умное, сиречь, аще епископ, или презвитер, сущей очи церковныя неподобне живут, и соблажняют люди, подобает изврещи их, уне есть им без них собиратися в храм молитвенный, неже, с ними воврещися яко же с Анною и Каиафою в геену огненую. подобне же и рука, еже есть диакон, аще недостойно что творит, да отлучится жертвеника, нога же еже есть слуга, аще зле течет во лжу к приятию имений по гиезеи, подобает и сего от служения чюжда творити, яко люта и несмыслена человека; да церковь собираема без соблазна хранится. [дозде Афанасий].

Преждереченных сих правил истинну доказывают и церковныя истории, от них же едина есть и сия, яже о преподобнем Максиме Исповеднице. Егда бо сей святый муж освеняшеся от еретиков единоволныя ереси, и нечестивому тех догмату согласитися не хотяше, что соборищу еретическому весма было обличительно, коею виною вызвали они преподобнаго мужа на ответ, следующим вопрошением [Четь минея генваря 21 день, в Житии святаго]: коея, глаголюще, еси церкви; византийския ли; или римския; антиохийския ли, или александрийския, или иеросалимския, се вси тыя церкви с подлежащими им странами с нами согласуют, аще убо и ты кафолическия еси церкве. убо едино буди с нами, да не странническое житие во изгнаниях начен чего нечаеши постраждеши. к ним же блаженный муж премудре отвеща глаголя Христос Господь кафолическою церковию нарече быти правое и спасенное веры исповедание, того ради и Петра добре исповедавшаго нарече блаженна, на его же исповедании таковую создати церковь всех Господь обеща. они же паки вопросиша его что сотвориши, егда римляне соединятся византяном, ибо вчера приидоша из Рима два апокрисарии, и утро в день недельный будут причащатися с патриархом пречистых тайн. отвеща преподобный, аще и вся вселенная начнет с патриархом причащатися, аз не имам причаститися с ним, вем бо Духа Святаго, чрез апостола Павла, и ангелов анафеме предающаго, аще инако благовестили новое что вносяще. [дозде св. Максим].

Зри прилежно внутренним души оком, всяк зде благоразумный, и внимай мыслию, како святии иерарси наши, и учителие вселенныя, во обстоятельстве злых пастырей советуют пребывати в церкви Бога жива. И како в преимущественнейшем степени полагают тех, иже ни от единаго же обыкоша водитися, неже руководствующихся злыми пастырьми с бедою душевною; лучше бо есть ни от единаго же водиму быти, и спастися, неже от злаго водиму быти, и вринутися в яму погибели; вторыи: уне есть без них [сиречь без попов и епископов] собиратися в храм молитвенный, неже с ними [яко соблазнителями] воврещися в геену огненную. всяк бо, рече, прием разум разсуждения, мучен будет, аще последует пастырю неискусну, и ложну славу яко истинну имущу [той же Афанасий в Лест. слово 4, и у Никона Черн. слово 2?]; третии же, и вящше нечто представляет нам, аще бо, рече, и всея вселенныя патриарси на зло соглашаются, или согласишася, и вси с ними причащаться будут еретическому нечестию, аз един не причащюся. И о сем убо разумевая да разумеет, мы же на предлежащая паки обращаемся.

Мелетий патриарх Александрийский, опасая правоверных христиан в Малороссии пребывающих, и от пастырей злых утесняемых, их же советами своими премудрыми отводя послушания ко отступником, и направляя разумы тех к послушанию единаго Пастыреначальника Христа Исуса, сице глаголаше [10 послан, Кирилова книга старопечат., лист, 502]: Сего ради толико вам обнажим отступников благочестия, да ся ими не прельщаете, яко пастыри отступиша, или заблудиша, яко и нам немощно ся без них сохранити. но несть тако несть, мощно бо быти без них, занеже Бог их из церкве изгнал и обезчестил, понеже недостойне тыя престолы содержат, и то имя на себе носят. и не мни яко слава им се, но безчестие и вечное отпадение Христа, и святых Его. И паки той же похваляя их ревность о благочестии, в другом послании, и сие приложил есть [5 послание Мелетия, Кирилова кн., лист 467? (489)]: Мужие российстии благочестия воспитание, православия заступницы, иже произволением уже и мученицы, и к державе царства сопротивистеся о благочестии подвизаеми. не убо на иже от Бога данныя власти высящася, но Божию любовь всех иных предпочитающе, и еже истинныя веры усердие являюще, вторая подати терпяще всех весма никомуже. вас странне иже в вас дние и посему точию не лукави, зрятся не вседомовни мученицы, но всенародни. в вас преславне свет бываем тма, свет тма обличи. ибо учинени бывше владычествовати вами пастырие, волцы суще. и отступивше добраго стада Христова, не токмо расточити вас, или убити, или погубити возмогоша, но и в болшую ревность совоздвигоша. вы бо восприясте пастырьскую ревность, и злых пастырей отлучистеся иже истины отступивших, и благочестия ради человеческия славы позыбляти убо начавших, не возмогших же Божиею благодатию. О овчата христоименитая, и воистину Христовы и от Христа научившиися, чюжих не слушати гласа, ниже последовати чюждим. о ангели земнии подражающе небесных, и се пострадавше небесным, еже не испасти с денницею. чюдо велие како отврати вас Божия благодать от епископов ваших, ох прелести нынешний возлюбивших век, и обратившихся вспять, и благочестия и православия отступльших. вы пребысте столпи незыблеми, недвижими, во иже отцы преданном учении, Спасове, апостольском, святительском. с ними же и венцы венчаетеся вем добре, венцы онеми правды, яко же глаголет Павел [Тим. зач. 288], и прочая.

Ко оным же белорусцем, и другий некто приснопоминаемый муж, и духовный инок именем Иоанн, сия восписоваше глаголяй [Послание Иоанна мниха с горы Афон к василию князю Острожскому]: Ибо вам о очищении церкви нашей православной речь зачалася и далее то чинити будем, на священнический степень по правилом святых отец да восходят, а не по своих волях похоти плотьской, ради имения, и богата сана да восхищают, и всякаго таковаго иже сам наскакует не приимуйте, и от короля даннаго без вашего избрания изжените, и проклените, не в папежа бо вы крестилися, и в королеву власть, да вам дает волки, злодеи, разбойники, и антихристовы таинники, лучше бо вам без владык и без попов, от диавола поставленных, до церкви ходити и православие хранити, нежели со владыками и попами не от Бога званными у церкви быти, и тою ругатися и православие попирати. не попы нас спасают, или владыки, или митрополиты: но веры таиньство нашей православной, и сохранение заповедей Божиих, то нас спасти хощет. И паки той же пресловутый муж, во втором послании к Гедеону епископу Львовскому, означая характеры злых пастырей, сице писаше [книжица на польском языке. в ней же история печатная о Флореньском соборе. в той же книге на конце послание сие приписано]: Есть ли суть апостольские ученицы и наследницы, чем же иноверных не уверяют; чом до бесурман и махометян Христа проповедати нейдут, а ведь ту татары и турки в соседстве мают, ино тамо где страх есть нейдут, але ту христиан православных в роскоши седячи до послушества папина зводят усилуют, и размаитими бедами, и досадами, сумненья людскии [власть светскую на тираньство и гонение и вбужаючи] кгвалтуют, то явне кождый познати может, иже самого антихриста ученицы суть. ал бо теж то не антихристов голос слышу Скарга на кафедре у Варшаве кликал; коли Русь так затвердела иж ся покорити папе в послушество не хочют, огнем и мечем их карати достоит, присмотрижься православный христиане есть ль то не властный дух антихристов есть где видели, албо слышали от Христа и апостол, и святых богоносных отец, абы за веру убивати (ал бо до веры кгвалтом приводити) узаконили. того никто николиже списания показати не может, то видишь иж тот след держачие не веру проповедуют але веру к гвалтом разоряют бо веру досадами страданием и мукою проповедника ся уверяет, а не беднотворением проповедника истинная вера бытися может [познает], а есль ли проповедник не сам страждет, але страдати неповинующимся его проповеди ходатайствует, о таковой вере беспечальне разумети может иж антихристова есть. и прочая.

Сим характерным показанием злых пастырей весма удобно достигнуть всякому из нас, когда подобает повиноватися пастырем церковным, и когда долженствует бегати их, яко казиц веры православные. О чем и в книзе Кирила Иеросалимскаго на пятую надесять главу, в первой беседе, премудрый Стефан Зизаний таяжде писаше, и яковым образом распределяти истинных рабов Христовых от слуг антихристовых о том поучая сице глаголаше [книга Кирилова, лист 2]: Первое Христос прииде во убожестве, смирено же и не славно, и не имея дому своего зде на земли, и се творил сих ради вин, перьвая вина, дабы вси смирении и нищии, и от мира преобидимии, добровольне и без труда к Нему приходили, и с Ним общение имели/ о них же всегда промышление [прилежание] показует братиею их всегда нарицая, за них же и поручается глаголя [Мф. 106]: елико есте сотвористе единому сих братии Моих менших, Мне сотвористе, и Аз за них воздам. и другая вина; дабы сим устроением показал нам собою рабов своих, наипаче же иереов Христовых, занеже убо яков сам Христос бысть, тацы же и слуги Его были, по глаголющему [Мф. 37]: несть раб болий господа своего, аще и мало что в сем мире приимающее от человек укорение, и хулы, не творили бы ни едину месть кому, но паче сами скорби и беды терпели. третия вина, даже антихриста и слуг его покажет, яко во всем Ему противни являющеся, горделиви, высоцы, богати, славни, Христовым рабом люти и страшливи лукавством, и нуждею всех к себе привлачаще, сами убо в напастех не терпяще, всем же беды предлагающе, а наипаче Христовым рабом. и не тако о убогих пекущеся, и их величающе, яко же о богатых прилежаще. хотящих зде воцаритися. а кто ся им не покорит, мучат люте, от них же нам дая Христос о спасении защищение, рек: грядет сего мира князь, и во Мне не имать ничтоже, ниже в Моих место будет имети.

Вот явственное показание истинных Христовых пастырей и учителей, и антихристовых слуг и мучителей. О них же много бы можно от божественных писаний глаголати вам, но ныне несть время и сия бо рекошася мною, токмо случаем мимотечения, а не надлежащим порядком чинове располагаемом, яко же и самим вам отвсюду возможно есть видети. Предъявляемая бо мною на тот един конец клонятся, дабы мог принести я вам болше пользы от божественнаго писания, а не от велехвальнаго краснословия узлоплетений софистических.

Пойдем же еще отселе на последнее решение вашего вопросозадания и научимся, како подобает спастися нам кроме святаго причастия (тела и крове Христовы) во время се конечное же и лютое. И на сие предлагаю вам повесть весма достойную удивления, и великаго требующую внимания. Пишет святый Анастасий Синайский, во главе второй своея книги и в патерице Иеросалимстем в слове 17 сице: Вопрос: Кто суть истиннии поклонницы, иже ниже в горе ниже во Иеросалимех поклонятся Богу Отцу, идеже бо во Иеросалимех не поклонятся благоразумно яко ни во ином месте на земли ничтоже бо Иеросалима зде честнейши. Ответ. Страшно убо воистину и дивна слышания вопрошание, и сего ради ответа и разрешения явственнейше не ведый, зане не всем вмещати божественнейших тайн слышания, обаче от показания некоего священна, мужь священных, их же ныне в плоти сущих, яко явленно реченное сотворим, шед некий от здешних мужу отшелнику молчальствующу, и рече ему, дивлюся отче како сице терпиши отлучен быти от святыя церкве, и от тоя причащения, и святых собраний. к сему же отвеща человек Божий, рече: вся собрания и службы, и праздницы, и причащения и жертвы, о человече: сего ради быша, яко да очистится человек от грех своих, и вселится Бог вонь, по иже от Христа реченному, яко приидем Аз, и Отец Мой и обитель в нем сотворим, и вселюся в них и похожду. егда убо человек храм одушевлен и богоздан будет Божий. и Отец и Сын и Святый Дух живет и ходит, отстоит душа богоносивая от всякия любве церквей зданных, и жертв видимых, и собор множества, и праздник человеческих. и ниже в горе сей ни во Иеросалимех желает поклонятися Богу, внутрь бо имать в себе Отца, внутрь же Сына Архиерея, внутрь Дух истинный огнь, внутрь жертвенник чисту совесть, внутрь очистилище грехов духовную слезу, внутрь вышний Иеросалим радостную душю и прочее, яко духовен духовными очима духовная приносит. Дух бо есть Бог, и поклоняющимся Ему в дусе и истинною достоит поклонятися. [дозде патерик].

Подобне и в толковании притчей евангельских, святый Афанасий Великий сия сказует [вопрос 24. Скрижаль стран. 14]: Вопрос. Котории суть истиннии поклонницы ниже в горе оной, ниже во Иеросалиме, но духом и истинною поклоняются Богу. Ответ. Сии суть, иже в пустынях и горах и в вертепех и разселинах земли живуще, иже кроме собрания церковнаго делы благими божественным духом просвещаеми, духом и истинною поклоняются Богу и Отцу нашему, иже есть на небесех. непорочно живуще, и Богу благочестно мудренно служаще, во всяком благочестии и чистоте добродетелей сияюще, и не требуют церкви, или места, но сами себе храмы творяще благими деланьми, на всяком месте и везде благоугождают Богу, непрестанно и чисте Ему служаще вся дни живота своего. [Дозде Афанасий].

Сие великотаинственное богослужение, еже самим Господем нашим Исус Христом, во священном евангелии преданное, столь велико есть, и столь благоприятно, и столь честно, что никакая сеновная жертва, ни приношение, ни кадило, не может сравнитися с того достоинством. Ибо о сем богослужении предвечная Правда, и Премудрость Отчая, сама во евангелии провозгласила есть, сицевая рекуще [Ин. гл. 4]. Грядет час, и ныне есть егда истиннии поклонницы, поклонятся Отцу духом и истинною, ибо Отец таковых ищет поклоняющихся Ему, Дух есть Бог, и иже кланяется Ему, духом и истинною достоит кланятися.

В толковании [Евангелие толк. в нед самарянин. слово 17. лист 131 на обор.]: Истиннии же поклонницы кланяются Отцу, не телом, но духом; сиречь не телесными жертвами, но духовными. и не сеньми и обращами, но истинною, и не в месте написующе поклонение. яко же самаряне и июдеи, но на всяком месте благословяще Господа; таковыя же поклонники ищет Бог, поклонятися Ему, является же от сего, яко не хощет Бог законную жертву, и сего ради схождением узакони я, иногда и остави дотоле жидовския ради немощи и толщи, Дух есть Бог, сиречь безплотен, сего ради и кланяющимся Ему. духовно подобает кланятися, и не сению, но истинно. се убо есть боголепно и достойно кланяние, духовна жертва есть смиреномудрство, и молитва. жертва убо рече, Богу, дух сокрушен, и паки пожрите Богу жертву хваления. и купно же всяка духовная добродетель, жертва и поклонение духовно есть. тогда убо изволиши рече жертву правды. всякия бо ради добродетели, оправдается человек, и спасению сподобляется. и небесному царствию наследник бывает. понеже бо правда глаголется. купно всякая добродетель. И паки ниже: истиннии бо поклонницы, не вместе притворяют жертву, но духом угождают Богу. яко же и божественный Павел глаголет; благодарю Богу, Ему же кланяюсь духом моим, егда же глаголет, яко Дух есть Бог, бесплотное являет. подобает же убо безплотному, и жертва такова же быти и приношатися, духовною и умною чистотою, а не животная закалати, и плоти приносити, но лукавая помыслы отвращати, и распинати себе, и неподобная безсловесная вожделения убивати и закалати. а иже Богу кланятися мнят, таже телесно седети вместе Божество разумевают, сии убо гласом токмо Бога почитают, иному некоему кланяющеся, а не Богу: и безполезна жертва их бывает. не описанием бо разумеем Божество быти, но свойственно есть Богу, еже везде быти, и ко всем приходити, и никим же возбранятися [дозде от евангелия Толковаго].

Сродная сему и союзная словеса и блаженный Ефрем в 83 слове полагает [лист 195 на обор.]: Внимай убо себе присно рече, чертог свой безсквернен соблюсти, и восхощи прият царя Христа, и небеснаго Жениха. возлюби Бога от всея души твоея, яко же и тебе возлюбил есть, буди церковь Божия, и вселится в тя Бог вышний. душа бо имеюще Бога в себе, церковь наричется свята и чиста, и божественныя тайны служатся в ней, и тщатся присно силы небесныя посетити ю, понеже Господь вселился есть в душю, ангели и небеса веселятся о ней, и тщатся почтити душю. понеже церковь наричется Владыки их. И паки той же во 101 слове, о отцех по пустынях скитающихся, и тамо скончавшихся. глаголет [лист 340, и лист 341]: Совершени суть, и исполнены правды, зане суть уди церковнии. не разлучаются себе от стада, зане чада суть святаго просвещения, не закон разоряют, не приемлюще священства держати, заповеди хранят, не противятся закону, тепли суще верою, егда же предстанут честнии священницы святей трапезе службу принести, тии первие простирают руки своя приемлюще с верою тело Того же Владыки. глад бо тех не опечаляет, суть бо насыщени от Хлеба Животнаго [лист 343]. Христа сшедшаго с небес, подобне же и жажда не опаляет их, зане присно Того имут в своем сердце, церкви имут языки своя [ниже], ими же совершают молитвы своя прилежныя, славу юже поют в горах же и в вертьпех [ниже], жертва благоприятна приносится Богови. сами суть священницы себе, и исцеляют наши недуги молитвами своими. [дозде Ефрем].

А яко отцы тии в дебрех и пустынях скитающиися, Агньца Божия причащахуся по уму же и видению, сему, никто же от благочестивых противится [зри о сем во 104 ответе олонецких пустынножителей]: не бо кроме здраваго разума таковая умствовати предвземляху, по свидетельству великих и богословесных мужей: по них же и кийждому християнину невозбранно есть чрез добродетелное устроение закалати Агнец безкровный, и насыщаться плоти Исусовой по мере веры, и благодати подаемой. о чем святый Григорий Назианзин, и Никита архиепископ Ираклийский, во втором слове на святую Пасху сице благомудрствуют [Соборник старопечатн. во 2 слове на св. Пасху на ст. 26. в толк., лист 687]: Аще един есть Христос, иже законом и пророки и тварию проповедуем, то како закон образ совершая Христов, многия овцы повелевает жрети на домы отечествия: к нему же речем, зане яко же кождо веровавших Богу, по своей силе духовне Христу сраспинаяся по действу греху: ов же и самым тем страстем, ов же и самых страстей мечтанием, ов же и иже о страстех воспоминанием, сице кождо нас в дому некоем особочинием, еже по добродетели прикладствующе ему устроение закалает Агнец, и причащается Тоговы плоти и насыщается Исусом, комуждо бо свой бывает Агнец Исус Христос, яко же кождо вмещати и ясти того может, по мере яже в коемждо веры, и благодати подаемыя от Духа. овому убо сице, овому же сице. обретаяся весь всему, и всем вся бывая. [дозде].

Добрым сим наставлением, и премудрым кормничеством духовных отец наших, и мы ныне плавающе в лодии церковней, не неверуем достигнуть во спасеное пристанище звания нашего. Аще бо по видимому образу и не причащаемся в церкви святей евхаристии, но причащаемся чрез веру и любовь к единородному Сыну Божию. И сие творим чесо деля: не яко отвращающеся Божественнаго общения, бываемаго причастием живозакланнаго Агньца Божия, но боящеся вкушати жертвоприношений еретических, да некако общницы наречемся и мы безбожному тех вмышлению. На что так же от церковных деяний можно бы показать доволныя примеры [приклады], ежели б требовала необходимая надобность, но мне мнится что приклады те упражняющимся во истории древностей многим суть известны и несумнителны, убо и повествование их почтется за ненужное. Того ради зде и не глаголется. А на место их вношу я сюда дивное завещание великаго отца Иоанна Милостиваго, патриарха Александрийскаго, которое ко обстоятельству настоящаго времене, толико нужно есть, еслико и преложение вещей в нем искати посредства усилует [в старописм. четь минеи, глава, 46, в житии свт.]: Учаше бо блаженный, и засвидетельствоваше глаголя: яко никако же никогдаже отнюд еретичестве общении, паче же сквернении причаститися. аще и весь ваш живот. [рече блаженный] от какия нужды, или напасти, без причастия пребудете, не обретающе соборныя церкве. Аще бо естество жены плотяно законне притяжавше, и во стране некоей далече кроме ея умедливше, оставити ея и иную пояти, Богом, и законы возбраняемы есмы, аще ли сие сотворим казнени будем; то како убо Бозе правою верою соборною церьковию припрягшеся, яко же рече апостол; обручивый единому мужеви девицу чисту представити Богови, аще православную и святую веру оскверним приобщением еретическим. не будем ли причастницы мучению в будущий век ждущему еретик, общение бо того ради наречеся, за приобщение и причастие общающагося, им же общится. не мозите убо молю вы о чада тацех молитвищ прикасатися комкания ради [дозде словеса святаго]. Убо от сего яве есть яко в случае нужном христианин может спасен бысть и без причастия, святой евхаристии. И сия истина не токмо от древних, но и от нынешних учителей засвидетельствуется. О чем некоторый премудрый из них муж во своей апологии сице писаше [книга Камень веры. Стефан митр. Рязанский, часть 2, глава 1, лист 419(?)]: Яко же, рече вожделение крещение, в неких случаях и нуждах, вменяется вместо самаго крещения, сиречь, егда кто не крещен водою и Духом, страждет и умирает за Христа, или кроме страдания, егда кто умирая и презелным вожделением креститися желая, не имать крещающаго, ниже времене ко крещению удобнаго, тако случай бывает, в нем же вожделение евхаристии вменяется, вместо самыя снеди евхаристическия, сиречь, егда умирающ, и сея божественныя пищи тепле желающ, кроме всякия своея вины, не имать причащающаго тайн Божиих служителя, тогда Христос тайноположник, и намерения благая венчающ, идеже нужда без вины оскудение творит щедротами своими, оскудевающая наполняет, и ползы от евхаристии бываемыя, таковому дарует, и о сицевом мощно рещи, яко тело Христово есть без евхаристии, единем теплым желанием, верою же и любовию. о таковом случаи некто от учителей рече, что готовиши зубы и чрево, веруй и ял еси, сими словесы умирающаго неимущаго же, без вины своея, причащения, укрепляет, да не тем оскудением, во отчаяние впадет, но паче да имать упование на неизреченныя щедроты Божия. яко и самое презелное вожделение причастия вменяется ему в причастие, что рече, готовиши зубы и чрево [в сицевом случаи и нужде] веруй и ял еси. [дозде Стефан Рязанский].

Вся сия яже изглаголашася мною, аще и доволна суть ко уверению вашему, и надежно что не востребуете вы еще от меня болших засвидетельствований: но как примечено мною великое в вас к слушанию слова Божия усердие, и ко изысканию самолучшия истины, душесловесное расположение, не терплю впрочем лишить и последняго засвидетельствования, яже предаша нам в писаниях своих премудрыя прародители, и наставники наши к полезному.

Егда бо потязуеми быша они от присланнаго Синодом иеромонаха Неофита, о том же самом словеси, о нем же и вы нас благочестно мудренне вопрошаете [вопрос 104 иеромонаха Неофита и ответ Олонецких пустынножителей]: Святую евхаристию где емлете [вопросил он их]. и бываете ли причастники тайне сей, и от кого посвященнаго причащаетеся, или так, без причащения тела и крове Христовы, умираете. зане церквей и попов у вас нет. и аще есть скажите где церковь, и где поп.

На что ему ответствовано бысть сице: Христос Спаситель наш, пречистыми усты своими глаголет; ядый Мою плоть, и пияй Мою кровь во Мне пребывает, и Аз в нем. Иоанн глава 6. Сия словеса Христа Бога нашего елико всякаго достоверства, и благоговейнаго почитания достойна суть: толико и прилежнаго во тщании исполнения требователна: Во еже всякому всегда, причастнику быти животворящия плоти и крове Господни, во освящение души и тела, в наследие живота вечнаго. о чесом вси верующии Христу, а наипаче всем сердцем спастися ревнующии, огнепалное желание присно являти усердствуют. Обаче во святей кафоличестей церкви, яко же причащающихся устроение, трегубо разделено обретается: Тако и словеса святых отец, о сем разсуждающая являются: еще же и новопечатныя книги явственно сия определяют.

Первии суть, иже усты и сердцем в чистей совести приемлют животворящее тело, и святую кровь Христову: по преданию святых апостол и святых отец. и се сугубно: ови во святей церкви, на святей литургии причащаются; ови же от священника православнаго, вземше часть животворящих тайн, у себе держат, и егда восхотят причащаются: ибо дотоле сие таинство цело есть, доколе вид хлеба и вина цел пребывает [преп. Никон Черныя горы, в слове 53]. Такови быша в скитех и пустынях отцы, во Александрии же и Египте простии людие, на мнозе имуще причащение в дому своем кождо, и егда хотяху причащахуся собою: яко же Василий Великий свидетельствует. и Симеон Фессалонитский, в книзе своей тожде утверждает [ответ 41].

Втории, Иже благословных ради вин не имеющии где причаститися, еже устами вкусити животворящих и пречистых тайн: обаче веру теплую, и усердное желание о сем показуют, добродетельми свое житие украшающе: Таковии чрез веру и усердие, духовне причащаются плоти и крове Христовы. Такова бяше преподобная Мария Египетская, 47 лет в пустыни живущи, и святых тайн усты не причащашеся, и Христа внутрь себе имяше. Такова преподобная Феоктиста, 30 лет во острове живущи и устами не причащающися: обаче благодать Божию присно в себе имяше. Сице преподобнии, Марко Фраческий, и Петр Афонский ов 95 лет, ов 53 лета, в пустыни живша, человека не видевше, и евхаристии не имуща: обаче чрез высокое жития святаго, сосуди возжеленнии Богу, честнейши паче всего мира явишася. Сице мнози святии пустынницы, далече от вселенныя живуще, церквей и священников не имуще, устами святых тайн причаститися не имяху: обаче верою и желанием, и житием добродетелным, присно оных благодать в себе имяху. о них же святый Ефрем, в слове 111 глаголет: славу юже поют в горах же и в вертьпох, жертва благоприятна приносится Богови. сами суть священницы себе, и исцеляют наши недуги молитвами своими. сице святый Феофан иже во Антиохии [июнь 10 день], иже сам себе крести, и блудницу крести, и оба благочестно живша престависта к Богу. и святая мученица Дросида, сама себе крестивши, во осмый день ко Господу отъиде [март, 22 день]. Сии святии никогдаже усты сподобишася вкусити пречистых тайн, понеже священника не имяху, яко от написания о них познавается: обаче сердцем чрез веру и добродетели, присно благодати Божия причащахуся на земли отчасти, на небесех же лицем к лицу, божественнаго светолития наслаждаются. Сице в книзе новопечатней Барония Кесаря повествует, в лето Господне 260 [лист 165 на обор.]: На изгнании сущу Киприану, Понтий Патернус, и иных многих епископов, и ереов, и диаконов, и клириков во Африце ищущь, многое их число пойма: и крепких во исповедании Христове видя, дрекольми их бити повеле, и на работу их руды медныя изгна в сигу, и в горы Халкорихиов. К сим Киприан святый, утешая их, писа послание сладости християнския исполнено [писан. муч. св. Киприян и епис. епистол. 77]: Не имате [рече] возлюбленная братия, ни единыя тщеты во благоговении и вере, яко тамо в сие время священницы Божии приношения и жертвы [или литургии] совершати не можете: пожрите в жертву дух сокрушен, сердце сокрушено и смирено Бог не уничижит. Сию жертву непрестанно воздаете в день и в нощь, и сами есте жертва жива и свята [якоже глаголет апостол (к рим. 12)] в телесех ваших. Ниже: И дарова им сию благодать Господь Бог, яко вси во оной долгой и тяжкой работе изомроша. И святии учители, чрез добродетелное житие усердствующим причаститися плоти и крови Христовы глаголют. Святый Феофилакт в Блговестнице на Христовы словеса [Благовестник лист 105], не токмо по тайному причащению ясти и пити кровь Владычню являет, но и чрез деяние и видение причащатися сказует. И святый Никита Ираклийский, на слово святаго Григория Богослова на святую Пасху, сказует [лист 687 Соборник] чрез добродетелное устроение, кождо причащается святаго Агньца плоти и насыщается Исусом, по мере своих добродетелей.

И не токмо древнии святии, но и новопечатная книга Жезл, изданная от собора, в лето 7174, на листе 49-м на обороте, сице научает: Ведати нужда есть всем, яко тайны церковныя, иныя суть по нужди посредния, каковы суть, миропомазание, евхаристия, и елеопомазание. их же аще кто и не сподобится, нужди некоея ради, спасен быти может, иныя по нужди заповеди, те же есте две, крещение и покаяние, ею же кроме несть леть спасение получити. дозде Жезл.

И зане же преподобнии отцы, не имевше где причащатися святых тайн, ови многовременно без него пребыша, ови же и при смерти устнами не вкусивше, духовнаго и благодатнаго просвещения не лишишася; зане же святии учители научают: чрез добродетелное содержание плоти и крове Христовы причащатися: зане же святии мужи, чрез добродетели внутрь сердца Бога входяща заповедают, внутренняя вся очищающа; зане же новопечатная книга, спасение понуждати и кроме евхаристии поведают: убо иже по нужди причащения святых тайн не сподобився, может чрез веру и усердие невидимыя благодати сподобитися, яко прежнии святии.

Третии суть, едиными токмо устами причащающиися, иже недостойне ко святому комканию приходят, иже скверными грехи окаляни, иже в смертных грехах погрязшии, и не очистившиися, котории не токмо не получают благодати Божия, но паче большее осуждение приимут, по блаженному апостолу глаголющему: ядый бо и пия недостойне суд себе яст и пиет, не разсуждая тела Господня [в последовании св. причастия, Кор. зач. 149]. И святый Исидор Пилусийский глаголет: согрешающии, и пречистым тайнам дерзающе прикасатися, тмами мук суть достойни, и повинны себе сотворяют, по неложному Павлову гласу, телу и крови Господни. В Старчестве же страшнейше приводит глаголя: аще недостойне приимаеши святых тайн, повинен бываеши телу и крови Христове, и обретаешися самаго Христа убивая. и онаго закланию повинен еси. иже тогда тело Его прободшии и оскверняющии Того ныне, сии нечистою душею недостойне причащающеся Ему, един суд с распеншими Его прияти имут по глаголу апостола Павла. дозде словеса святых.

Сие трегубое причащающихся устроение, и новопечатныя книги явственно изъявляют: Книжица о седми сакраментах типографии Черниговския року 1716, на листе 7-м. Вопрос: многократное ли есть потребление евхаристии; Ответ. трикратное, едино есть устами токмо, яко же обыче бывати, егда кто с нечистым сердцем, приемлет тело и кровь Спасителя нашего, яко Июда беззаконный на тайней вечери, но таковый на погубление души своей приемлет. другое потребеление есть духовное. то есть: егда кто истиною верою, и волею хощет тела и крове Христовой причаститися, но не может его прияти, яко то обыче бывати, не сущю тогда тамо священнику. третии есть, егда кто и чистым сердцем, и чистыми устнами бывает причастником евхаристии святой. Сие же трегубое устроение причащающихся, и Диалогисм книжица изданная в Киевопечерской лавре року 1714, на листе 154-м располагает глаголющи [часть 2, бес. 10]: Яко великое есть разньствие между ядущими трапезу Царскую: едини ядят действительно, едини не действительно. инии тайну Божию приемлют, купно же и действия ея, прочии же ни тайну святую приемлют, ниже действия, или корысть от тайны святыя происходящия приемлющии тайну святую без действия, еже есть без благодати Божия, сии суть иже в гресе смертном причащаются. и сице причащающиися, далече отстоят от благодати Божия. новый же паче грех соделовают, и суд себе ядят и пиют, не любве же Христовы, но гнева и негодования приумножение себе творят. приемлющии же действие тайны святыя, си есть, приумножение благодати благодати Божия без причащения, сии суть; иже имеют огнепалное сердца желание причаститися, но не могут, или некоея ради тяжкия болезни. или иных киих благословных вин, или не имеют на сие помощника себе; приемлют же точию действие тайны святыя за свое благоусердное желание, и духовне сицевии причащатися глаголются. Выше от беседы 50-я, лист 136 на обороте: Не усомневайтеся ни изнемогайте умом вашим благоговейнии и Бога любящии души, воистинну веруйте яко равную мзду и благодать и милость у Бога обретаете за сицевое ваше благоговение, за сицевую ревность, и намерение духовное, аки бы воистинну уже причаститися, и намерение бо сицевое неизреченне благоугодно есть Господеви, свидетельствующу о сем учителю церкве Иппонийския сими словесы: веруй, и вкусил еси, и причастился еси, пребудите в чистоте, бегайте греха; что вам предложи церковь Христова верити, веруйте повинуйтеся, и заповеди Божия соблюдайте, Господа Бога от всего сердца любите. и вседушно причаститися тела Его желайте. аще же когда дойти до сего не возможете, толико будете имети мздовоздояние, елико в самом причастии святом прияли бысте. дозде из Диалогисма.

И от сих вышепредложенных доводов является, яко трегубо есть знаменование причащающихся. Понеже во святей церкви, яко на литургиях причащахуся, тако древнии християне и пустынницы, приемлющии от священнков таинство, и у себе держаще, сами собою причащахуся. Понеже мнози святии мученицы, отшельствующии пустынницы, неимеющии где причаститися за неимение священника, чрез веру, и добродетельное житие, духовно причащаются, и тояжде благодати сподобляются. Понеже недостойне и во гресех смертных причащающиися суд христоубийства себе снискивают. Тем же по сим свидетельством и ныне, иже за древлецерковное благочестие терпящии всякое усердие, всякий подвиг и тщание показуют да причастницы будут животворящия плоти и крове Христовы. И аще кто обрящет, древлеправославнаго благочестия церковь и священство, от священника с чистою совестию причащается, аще кто от древлеправославна священника животворныя тайны у себе содержит, яко от самого онаго, собою причащается. Аще кто сих не имеет, веру всеусердну, желание огнепално, и житие добродетелно распростирает, со слезами Господеви Богу моляся, тоя святыни не лишитися, чрез сия средства изрядная тояжде благодати, тояжде сладости духовныя получает, без всякаго сомнения. Аще бо во время толикого множества священников, святии произволително от мира в пустыню отходяще, и кроме видимаго причащения живше, невидимыя и неизреченныя благодати Божия, и пришествия Его в своя сердца сподобляхуся; кольми паче в неприсутствии, и неимении священников, в неимении церквей видимых по древлецерковному благочестию, видимаго причащения святых таин не сподобляющиися, могут чрез веру и желание и добродетели, невидимыя благодати Божия сподобитися, могут всеблагодатнаго Божия посещения во своя сердца не лишитися, по реченному [Иоанн, глава 14. зач. 48]: аще кто любит Мя, слово Мое соблюдет, и Отец Мой возлюбит его, и к нему придема, и обитель у него сотворима.

Егда же слово сие изрече Тарасий, и к тому не приложи еще глаголати что им, тогда председящий народ, воздавше ему велие благодарение, и кождо разыдошася в домы своя хваляще Бога о всех сих. Трифилий же старец, и скитожители, от того времене, с Тарасием заключили христианьскую любовь, навсегда нерушимую, и тако разыдошася любезно киийждо во страну свою.

Конец. Богу слава;

Аминь.

Окончание следует